अंबरनाथचं प्राचीन शिवमंदिर हे तब्बल ९६३ वर्षांचं…
महाशिवरात्रीला ७ ते ८ लाख भाविक येण्याची शक्यता
घृष्णेश्वर मंदिरात दर्शन घेण्यासाठी दररोद देश विदेशातून भाविक वेरूळला दाखल होत असतात. शिवाय श्रावण महिन्यातही दर सोमवारी भाविकांची गर्दी होत असते. मात्र महाशिवरात्रीला विशेष धार्मिक महत्व असल्याने लाखो भाविकांची गर्दी दर महाशिवरात्रीच्या दिवशी पाहायला मिळते. यावर्षी करोनाचे सर्व नियम शिथिल करण्यात आल्याने सुमारे सात ते आठ लाख भाविक दर्शनासाठी येतील असा अंदाज आहे.
पाच हजार वर्षांचा इतिहास, अखंड पाषाणात उभारलेलं मंदिर; महाशिवरात्रीनिमित्त वाचा औंढा नागनाथची कथा
महाशिवरात्रीच्या मध्यरात्री १२ वाजता होणार पूजा
पूर्वी मंदिरामध्ये भाविकांकडून मोठ्या प्रमाणात अभिषेक होत होते. मात्र सुरक्षेच्या दृष्टिकोनातून मंदिरामध्ये अभिषेक करण्यास बंधनं घालण्यात आली आहे. जिल्हाधिकारी, पोलीस अधीक्षक आणि लोकप्रतिनिधी यांच्या प्रमुख उपस्थितीत शासकीय पूजा महाशिवरात्रीच्या मध्यरात्री १२ वाजता संपन्न होणार आहे. तर महाशिवरात्रीच्या दिवशी दुपारी चार वाजता पालखी निघणार आहे. यासाठी सर्व तयारी पूर्ण करण्यात आली असल्याची माहिती मंदिराचे पारंपारिक पुजारी आणि मंदिर देवस्थान ट्रस्टचे अध्यक्ष शशांक टोपरे यांनी दिली.
