वॉर्नरच्या काही चाचण्यांचे अहवाल आल्यानंतर तो पूर्णपणे तंदुरुस्त नसल्याचं समोर आलं होतं. त्यामुळं दुसऱ्या कसोटीतून वॉर्नरला बाहेर पडावं लागलं आहे. १ मार्चपासून इंदूर येथे सुरु होणाऱ्या तिसऱ्या कसोटीमध्ये वॉर्नर खेळू शकेल की नाही यासंदर्भात माहिती मिळालेली नाही. जर, वॉर्नर तिसरी कसोटी देखील खेळू शकला नाही तर ऑस्ट्रेलियाला त्याच्या अनुभवाची उणीव नक्कीच जाणवेल. दुसरीकडे रेनशॉ याला प्लेइंग-११ मध्ये संधी मिलाली नव्हती. रेनशॉच्या जागी ट्रेविस हेडला संधी देण्यात आली होती. आता रेशनॉ दुसऱ्या डावात वॉर्नरच्या जागी फलंदाजी करेल.
आमदार खासदार विकत घेऊन पक्ष मालकीचा होत नाही, घटना पायदळी तुडवत आयोगाचा निर्णय, संजय राऊतांचा घणाघात
वॉर्नरची या मालिकेतील कामगिरी देखील समाधानकारक राहिलेली नाही. पहिल्या कसोटीतील दोन डाव आणि तिसऱ्या कसोटीतील एक डाव अशा तीन डावांमध्ये वॉर्नरनं केवळ २३ धावा केल्या आहेत.
ऑस्ट्रेलियाचा दुसरा सलामीवीर उस्मान ख्वाजा यानं वॉर्नर लवकरच फॉर्ममध्ये येईल, असं म्हटलं आहे. या मालिकेत फिट होऊन वॉर्नरनं खेळायला हवं, असं देखील ख्वाजा म्हणाला. तीन डावातील प्रदर्शनावरुन वॉर्नरवर बोलता येणार नाही, अजून मालिकेत खूप बाकी आहे, असं ख्वाजा म्हणाला.
ऑस्ट्रेलियाच्या पहिल्या डावात २६३ धावा
टीम इंडियाच्या गोलंदाजांच्या कामगिरीमुळं ऑस्ट्रेलियाला पहिल्या डावात मोठी धावसंख्या उभारता आली नाही. भारतानं ऑस्ट्रेलियाचा पहिला डाव २६३ धावांवर गुंडाळला. उस्मान ख्वाजानं ८१, पीटर हैंडसकॉम्बनं ७२ धावा केल्या मात्र इतर फलंदाज चांगली कामगिरी करु शकले नाहीत. मोहम्मद शमीनं ऑस्ट्रेलियाच्या चार विकेट घेतल्या. तर आर. अश्विन आणि रवींद्र जडेजानं प्रत्येकी ३ विकेट घेतल्या. आलिशान क्लबमध्ये राहिली, पार्ट्या केल्या; जुगारात ८० कोटी उडवले, आता खावी लागणार जेलची हवा
भारताची अडखळत सुरुवात
भारताच्या पहिल्या डावाची सुरुवात अडखळत झाली आहे. ६६ धावा असताना ४ विकेट भारतानं गमावल्या आहेत. रोहित शर्मानं ३२, के. एल. राहुल १७, चेतेश्वर पुजारा शुन्यावर तर श्रेयस अय्यर ४ धावांवर बाद झाले. नॅथन लायनपुढं भारताचे आघाडीचे खेळाडू निष्प्रभ ठरले. नॅथन लायननं चार विकेट घेतल्या.
RCBची मोठी घोषणा! कर्णधारपदाची धुरा मराठमोळ्या स्मृती मानधनाकडे; विराट-फॅफनं ट्वीटद्वारे दिली माहिती
