ठाकरेंकडून नाव,चिन्ह गेल्यानंतर छत्रपती संभाजी महाराजांची पहिली प्रतिक्रिया; म्हणाले, शिंदेंना आता…
टिळक-शहा यांच्या भेटीदरम्यान मुख्यमंत्री एकनाथ शिंदे, उपमुख्यमंत्री देवेंद्र फडणवीस, पालकमंत्री चंद्रकांत पाटील हे देखील उपस्थित होते. दरम्यान, कसब्यात ब्राम्हण मतदार बहुसंख्य आहे. त्यामुळे कसब्यात उमेदवार निवडताना या गोष्टीचा विचार व्हायला हवा असं म्हणत शैलेश टिळक यांनी आपली नाराजी जाहीररीत्या बोलून दाखवली होती. तर हेमंत रासने यांचा उमेदवारी अर्ज दाखल करताना देखील टिळक हे अनुपस्थित होते.
आयोगाच्या निर्णयानंतरची Breaking News; शिवसेना उद्धव बाळासाहेब ठाकरे पक्षाकडून कोट्यवधीचा पक्षनिधी ट्रान्सफर
मात्र, उपमुख्यमंत्री देवेंद्र फडणवीस यांनी टिळक कुटुंबियांशी फोनवरून चर्चा केल्यानंतर ते रासने यांच्या प्रचारात सहभागी झाले होते. त्यानंतर आता स्वतः केंद्रीय गृहमंत्री अमित शहा यांनी टिळक यांची भेट घेतली आहे. या भेटीनंतर टिळकांनी कसब्यात रासने यांच्या विजयाची हमी अमित शहा यांना दिल्याची माहिती आहे.
भाजपला कसब्यातील निवडणूक अवघड असल्याचे बोलले जात आहे. त्यामुळे उपमुख्यमंत्री देवेंद्र फडणवीस यांच्यासह जवळपास पाच मंत्री पुण्यात ठाण मांडून आहेत. तर पंकजा मुंडे, चंद्रशेखर बावनकुळे, नितीन गडकरी हे देखील रासने यांच्या प्रचारासाठी पुण्यात येणार आहेत. त्याच अनुशंघाने अमित शहा यांच्या दौऱ्याला देखील महत्व आले आहे. अमित शहा हे स्वतः प्रचारात उतरणार नसले तरी देखील ते कसबा पेठ विधानसभा मतदारसंघात असलेल्या ओंकारेश्वर मंदिरात दर्शनासाठी जाणार आहेत. तर आजारी असलेल्या खासदार गिरीश बापट यांची देखील भेट घेणार आहेत. त्यामुळे कसबा पेठ पोटनिवडणूक भाजपने खूपच गांभीर्याने घेतल्याचे दिसत आहे.
