ग्राऊंड फ्लोअरवर मेहुणीची बर्थडे पार्टी; वर पती-पत्नीचा वाद टोकाला; बंद दाराआड घडलं भयंकर
निकेश काही दिवसांपूर्वीच परदेशातून गावी आला होता. त्याचं लग्न ठरलं होतं. शुक्रवारी त्याचा साखरपुडा होता. मात्र गुरुवारी रात्री तो घरातून बेपत्ता झाला. सकाळपर्यंत तो घरी परतला नाही. शुक्रवारी सकाळी कुटुंबीय आणि नातेवाईकांनी निकेशचा शोध सुरू केला. त्यानंतर त्याचा मृतदेह रेल्वे रुळांवर सापडल्याची माहिती त्यांना मिळाली. पोलिसांनी घटनास्थळाची पाहणी करून तपास सुरू केला आहे. हत्या आणि आत्महत्या अशा दोन्ही पैलूंचा विचार करून पोलीस तपास करत आहेत.जीव देतोय! तरुणाचं ट्विट, पोलिसांकडून रात्रभर पाठलाग; सकाळी कर्जत स्टेशनला पोहोचले तर…
लग्न करण्यासाठी निकेश परदेशातून घरी आला होता. ज्या दिवशी त्याचा मृतदेह आढळला, त्याच दिवशी त्याचा साखरपुडा होता, अशी माहिती पोलीस निरीक्षक ललन कुमार यांनी दिली. शवविच्छेदन करून तरुणाचा मृतदेह कुटुंबियांच्या ताब्यात देण्यात आला. परदेशातून परतल्यापासून निकेश विक्षिप्तपणे वागत होता. या प्रकरणाचा तपास सुरू करण्यात आला असून सर्व बाबींचा विचार केला जात आहे. निकेशचे कॉल डिटेल्सदेखील तपासले जात असल्याचं कुमार म्हणाले.
