बेपत्ता मुलीच्या नातेवाईकांनी ओळख पटवली
मुलीचा मृतदेह सापडल्यानंतर जयपूर आयुक्तालय आणि जवळपासच्या पोलीस ठाण्यांशी ओळखीची माहिती शेअर करण्यात आली. जयपूर शहरातील प्रताप नगर पोलिस ठाण्यात अल्पवयीन मुलीच्या अपहरणाचा गुन्हा दाखल करण्यात आला होता. पोलिसांनी बेपत्ता झालेल्या नातेवाइकांना छायाचित्रे दाखवली असता तीच अल्पवयीन मुलगी असल्याचे निष्पन्न झाले. या मुलीचे १७ जानेवारी रोजी अपहरण करण्यात आले होते. १८ जानेवारी रोजी तरुणीच्या कुटुंबीयांनी कमल धोबी नावाच्या तरुणाविरुद्ध तक्रार दाखल केली असून, त्या तरुणाने अल्पवयीन मुलीला फूस लावून पळवून नेल्याचा आरोप केला आहे. पोलीस कमल धोबीला शोधात होते. मात्र अद्याप त्याला पकडता आले नाही. दरम्यान, १ फेब्रुवारी रोजी कानोता धरणात अल्पवयीन मुलीचा मृतदेह तरंगताना आढळून आला होता.
मोठी खूशखबर! सरकारी कर्मचाऱ्यांची पगारवाढ होणार, जाणून घ्या किती होणार वाढ
या प्रकरणात पोलिस गंभीर न दिसल्याचा आरोप
इयत्ता ११वीत शिकणाऱ्या या १६ वर्षीय मुलीचे अपहरण झाले, पण पोलिसांनी गांभीर्याने घेतले नाही. १८ जानेवारीला मुलीच्या काकांनी कमल धोबीवर तिला पळवून नेल्याचा गुन्हा दाखल केला होता. असे असतानाही पोलिस सक्रिय झाले नाहीत. या बाबत प्रसिद्ध झालेल्या वृ्त्तानुसार, मुलीच्या काकांच्या घराजवळ डायनेमार्ट कॅफे चालतो. त्या कॅफेत काम करणारा कमल धोबी त्याला घेऊन गेला. १८ जानेवारी रोजी गुन्हा दाखल झाल्यापासून कमल धोबी बेपत्ता होता पण पोलिसांना त्याचा शोध लागला नाही. त्याचे जयपूरजवळ चांदवाजी येथे घर आहे, मात्र पोलीस त्याला पकडू शकले नाहीत. १ फेब्रुवारी रोजी अल्पवयीन मुलीचा मृतदेह सापडला होता. ओळख पटल्यानंतरही पोलिसांनी दोन आठवडे काहीच केले नाही. कमल धोबी आणि त्याचा भाऊ रवी धोबी यांना अपहरणानंतर एक महिन्यानंतर १९ फेब्रुवारी रोजी अटक करण्यात आली होती.
अदानी जगातील श्रीमंतांच्या यादीत घसरले; जाणून घ्या कितव्या स्थानी आले, किती संपत्ती गमावली
कमल धोबीने सांगितली कहाणी
पोलीस हवालदार शंकरलाल आणि बजरंग लाल यांच्या माहितीवरून कमल धोबी आणि त्याचा भाऊ रवी धोबी यांना मानसरोवर परिसरातून पकडण्यात आले. चौकशीनंतर दोघांनाही प्रतापनगर पोलिसांनी अटक केली. पोलिसांनी दिलेल्या माहितीनुसार, आरोपी कमल धोबीने सांगितले की, एक वर्षापूर्वी त्याची अल्पवयीन मुलीशी ओळख झाली होती. काही दिवस भेटून बोलून त्यांची मैत्री झाली. दोघेही एकमेकांवर प्रेम करू लागले. आरोपी कमलच्या म्हणण्यानुसार, १७ जानेवारी रोजी तो चांदवाजीहून जयपूरला आला आणि त्याने अल्पवयीन मुलाला आपल्या खोलीत बोलावले. तिथे कमलने सांगितले की, घरच्यांनी तिची दुसरीकडे कुठेतरी लग्न जुळवले आहे. अशा परिस्थितीत तो आपल्या समाजातील मुलीशीच कुटुंबीयांच्या म्हणण्यानुसार लग्न करेल. लग्नास नकार दिल्याने अल्पवयीन व कमल यांच्यात भांडण झाले. दरम्यान, कमल धोबीने त्याच्याच दुपट्ट्याने अल्पवयीन मुलाचा गळा आवळून खून केला.
महाशिवरात्रीला आकाश अंबानींसह मुकेश अंबानींनी केली प्राचीन मंदिरात पूजा, दिले मोठ्या रकमेचे महादान
मोठ्या भावाने मृतदेहाची विल्हेवाट लावण्यासाठी केली मदत
आरोपी कमलच्या म्हणण्यानुसार, अल्पवयीन मुलाची हत्या केल्यानंतर तो मृतदेह खोलीत टाकून नीमराना (अलवर) येथे गेला. तेथून कमलने त्याचा भाऊ रवी याला फोन करून संपूर्ण घटना सांगितली. मृतदेहाची तातडीने विल्हेवाट लावा, असे रवीने कमलला सांगितले. दुसऱ्या दिवशी १८ जानेवारीला रवी आणि कमल यांनी प्रताप नगर येथे पोहोचून अल्पवयीन मुलीचे पाय दुमडले आणि मृतदेह ब्लँकेटमध्ये बांधला. त्यानंतर मृतदेह दुचाकीने कनोता धरणावर नेऊन धरणात फेकला.
