ठाणेः १ ऑगस्टपासून सुरू होणाऱ्या मिशन बिगिन अगेनच्या पुढच्या टप्प्यात ५ ऑगस्टपासून मॉल्स आणि मार्केट कॉम्प्लेक्स उघडण्यास परवानगी देण्यात आली आहे. या पार्श्वभूमीवर करोनाचा प्रसार टाळण्यासाठी ठाण्यातील विवियाना मॉलनं खबरदारीचा उपाय म्हणून काही महत्त्वाचे निर्णय घेतले आहेत. ग्राहकांना मॉलमध्ये प्रवेश करायचा असल्यास टोकन घ्यावं लागणार असून प्रवेश शुल्कही भरावे लागणार आहे.

करोना संसर्गाच्या पार्श्वभूमीवर विवियाना मॉलनं एक सर्वेक्षण केलं होतं. या सर्वेक्षणात मॉल पुन्हा सुरू करावे का? तसंच, मॉल सुरु केल्यानंतर खरेदीदार मॉलमध्ये येणार का, आल्यास कोणत्या गोष्टींना अधिक प्राधान्य असेल या सारखे अनेक प्रश्न विचारण्यात आले होते. या सर्वेक्षणांच्या आधारेच मॉलच्या प्रशासनानं महत्त्वाचे निर्णय घेतले आहे. मॉलमध्ये खरेदीसाठी मोठ्या प्रमाणात नागरिकांची गर्दी होते. त्यामध्ये विंडो शॉपिंग व विंकेडमध्ये रेंगाळणाऱ्यांची संख्याही अधिक असते. यासाठीच प्रशासनाने ऑनलाइन बुकिंग करून ठराविक काळासाठी खरेदीदारांना प्रवेश देण्याचा निर्णय घेतला आहे. यासाठी काही १० रुपयांचे शुल्कही आकारण्यात येणार आहे.

वाचाः

अशी करा पूर्व नोंदणी
ऑनलाईन तिकट बुकींग संस्थेसोबत करार करून त्याद्वारे ग्राहकांना मॉलमध्ये प्रवेश घेण्यासाठी मॉलच्या अधिकृत वेबसाइटवरून पुर्वनोंदणी आणि १० रुपयांचे शुल्क भरावे लागणार आहे. त्यानंतर मिळणारा क्यूआर कोड स्कॅन करून त्यानंतरच मॉलमध्ये प्रवेश मिळणार आहे. पूर्व नोंदणी नसल्यास खरेदीदारांना मॉलमध्ये प्रवेश मिळणार नसल्याचंही प्रशासनाने स्पष्ट केलं आहे.

वाचाः

दरम्यान, राज्यात मिशन बिगिन अगेनचा पुढचा टप्पा जाहीर करताना त्याबाबत मार्गदर्शक नियमावली जारी करण्यात आली आहे. त्यानुसार सर्वात मोठा निर्णय म्हणजे मॉल्स आणि मार्केट कॉम्प्लेक्सचे दरवाजे पुन्हा एकदा उघडणार आहेत. तब्बल चार महिन्यांच्या कालावधीनंतर येत्या ५ ऑगस्टपासून राज्यात मॉल्स उघडणार आहेत. त्यासाठी काही नियम निश्चित करण्यात आले आहेत. सकाळी ९ ते सायंकाळी ७ वाजेपर्यंत मॉल खुले राहतील. मॉलमधील थीएटर्स, फूड कोर्ट्स आणि रेस्टॉरंट उघडण्यास मात्र परवानगी देण्यात आलेली नाही. त्यातही काही प्रमाणात दिलासा देताना रेस्टॉरंट आणि फूड कोर्टचे किचन सुरू ठेवण्याची व होम डीलिव्हरीची मुभा मात्र देण्यात आली आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. Like!! I blog frequently and I really thank you for your content. The article has truly peaked my interest.

LEAVE A REPLY

Please enter your comment!
Please enter your name here