राष्ट्रवादी काँग्रेसचे शहराध्यक्षसह शहरचिटणीस शिंदे गटात
केंद्रीय निवडणूक आयोगाने शिवसेना आणि धनुष्यबाण चिन्ह हे एकनाथ शिंदे यांना देत सर्वांना धक्का दिला अशातच मुख्यमंत्री एकनाथ शिंदे हे आज या निकालानंतर पहिल्यांदाच कोल्हापुरात दाखल झाले यावेळी शिंदे गटाच्या कार्यकर्त्यांनी एकनाथ शिंदे यांचे जंगी स्वागत करत जोरदार शक्ती प्रदर्शन केले. कोल्हापुरातील गंगावेश येथे एकनाथ शिंदे येतात त्यांचे भव्य पुष्पहार घालत धनुष्यबाण त्यांच्या हातात देत त्यांचे स्वागत करण्यात आले. यावेळी राष्ट्रवादी काँग्रेसला धक्का देत राष्ट्रवादी काँग्रेसचे इचलकरंजीचे शहराध्यक्ष माजी नगरसेवक प्रकाश पाटील यांच्यासह शहरचिटणीस बाजीराव कुंभार आणि माजी नगरसेवक अनिता कांबळे यांनी घड्याळ उतरवून शिंदेचा धनुष्यबाण हातात घेतला.
प्रकाश पाटील हे राष्ट्रवादीचे कट्टर कार्यकर्ते म्हणून त्यांची ओळख होती. दोन वेळा ते इचलकरंजी नगरपालिकेत नगरसेवक म्हणून निवडून आले होते. तर गेली आठ वर्षे शहराध्यक्ष पदाचा कार्यभार त्यांनी यशस्वीपणे सांभाळला होता. मात्र, गेल्या काही काळापासून ते नाराज असल्याची चर्चा होती. आज त्यांनी अचानक पक्षाच्या पदाच्या राजीनामा पक्षश्रेष्ठींकडे देत असल्याचे सोशल मिडियातून जाहीर केले आणि थोड्याच वेळात त्यांचा शिवसेना शिंदे गटात पक्षप्रवेश झाला. तसेच हेरवाड ग्राम पंचायत सदस्या छाया सुर्यवंशी, ठाकरे गटाच्या महिला आघाडीच्या उपजिल्हाप्रमुख माधुरी साखरे, कनवाडच्या ग्राम पंचायत सदस्या आसमा पटेल यांनीही शिवसेनेत प्रवेश केला असल्याचे जिल्हा प्रमुखांनी सांगितले आहे.
धनुष्यबाण गेला पण ठाकरे ब्रँडचा करिष्मा कायम; चवताळलेला ज्येष्ठ शिवसैनिक CM शिंदेंना म्हणाला….
करवीरचे माजी आमदार चंद्रदीप नरके देखील ठाकरे गटातून शिंदे गटात
तर दुसऱ्या बाजूला उद्धव ठाकरे यांना देखील धक्का देत करवीर विधानसभेचे माजी आमदार चंद्रदीप नरके यांनी एकनाथ शिंदे यांच्यासोबत जाणे पसंत केले आहे. आज त्यांच्या स्वागतासाठी चंद्रदीप नरके हे उपस्थित राहत त्यांचे जोरदार स्वागत केले. यापूर्वी चंद्रदीप नरके यांनी मी उद्धव ठाकरेंसोबतच राहीन, असा निर्धार व्यक्त केला होता. परंतु, रविवारी नरके एकनाथ शिंदे यांच्या स्वागताला पोहोचले. सध्या शिवसेना आणि धनुष्यबाण हे एकनाथ शिंदे यांच्यासोबत आहे हे सांगण्याची गरज नाही. माझा पक्ष हा भाजप शिवसेना महायुतीचा पक्ष असून हा पक्ष बाळासाहेब यांच्या विचारांचा आहे. यामुळे आम्ही सर्व शिवसैनिक एकत्र आलो आहोत. कुणबी कासारीच्या कारखान्याच्या निवडणुकीत आक्रमक होतो मात्र पुढच्या विधानसभेच्या निवडणुकीची माझी तयारी सुरू असून गेल्या वेळेस निवडणूक हरल्यानंतर पाचव्या दिवशी मी पुन्हा कामाला लागलो आहे असे चंद्रदीप नरके यांनी सांगितले. शिवसेना नाव आणि चिन्हासाठी २ हजार कोटींचा व्यवहार; संजय राऊतांचा खळबळजनक आरोप
आवाडेंचा भाजप प्रवेश अद्याप नाही
केंद्रीय गृहमंत्री अमित शहा कोल्हापूर दौऱ्यावर आल्याने त्यांच्या उपस्थीतीत आमदार प्रकाश आवाडे, राहुल आवाडे, मोष्मी आवडे यांचा भाजप प्रवेश होत असल्याची चर्चा सुरु झाली होती. आगामी लोकसभा निवडणुकीच्या पार्श्वभूमीवर त्यांच्या पक्षप्रवेशाला महत्त्व येणार असल्याने या घडामोडीकडे इचलकरंजीसह परिसराचे लक्ष लागले होते. मात्र प्रत्यक्षात कोणाचाच पक्षप्रवेश झाला नाही.यामुळे आवडे कुटुंबिय भाजपचा मित्र पक्ष म्हणूनच अद्याप राहणार असल्याचे दिसून येत आहे.
