Amit Shah Kasba Bypoll | कसबा पोटनिवडणुकीत भाजपने हेमंत रासने यांना उमेदवारी दिली आहे. त्यांच्या विजयासाठी भाजपने संपूर्ण ताकद पणाला लावली आहे. अमित शाह यांनीही पुणे दौऱ्यात प्रतिकात्मक राजकारणाच्या माध्यमातून कसब्यातील मतदारांना साद घातली.
हायलाइट्स:
- अमित शाहांची डिप्लोमसी
- कसबा पोटनिवडणुकीपूर्वी अमित शाह पुण्यात
- अमित शाहांनी घेतली गिरीश बापट यांची भेट
अमित शाह यांनी दौऱ्याच्या पहिल्याच दिवशी मुक्ता टिळक यांच्या कुटुंबीयांची भेट घेतली. या भेटीत शाह यांनी शैलेश टिळक आणि कुणाल टिळक यांच्याशी चर्चा केली. त्यानंतर अमित शाह यांनी गिरीश बापट यांच्या घरी जाऊन त्यांची भेट घेतली. गिरीश बापट सध्या अंथरुणाला खिळले असल्याने त्यांचा प्रचारासाठी बाहेर येणे शक्य नाही. यावेळी दोन्ही नेत्यांनी मनमोकळेपणाने गप्पा मारल्या. अंथरुणाला खिळलेल्या गिरीश बापट यांची अमित शाह यांनी विचारपूस केली. काहीवेळातच अमित शाह आणि गिरीश बापट यांच्या भेटीचे फोटो सोशल मीडियावर व्हायरलही झाले होते.
Kasba Bypoll: गिरीश बापट फडणवीसांच्या सांगण्यावरून कसब्यात प्रचारासाठी आले का, संजय काकडेंनी स्पष्टच सांगितलंतसेच गिरीश बापट यांची भेट घेण्यापूर्वी अमित शहा यांनी कसबा पेठ विधानसभा मतदारसंघात येत असलेल्या ओंकारेश्वर मंदिर येथे जाऊन महादेवाचे दर्शन घेतले. ओंकारेश्वर परिसरात अमित शाह यांना पाहण्यासाठी नागरिकांनी मोठी गर्दी केली होती. अमित शहा जेव्हा दर्शन घेऊन मंदिराच्या बाहेर आले तेव्हा त्यांनी हात उंचावून कसब्यातील नागरिकांना अभिवादन केलं. यावेळी ओंकारेश्वर मंदिराचा परिसर जय श्रीरामच्या घोषणेने दुमदुमून गेला होता. या भेटीगाठींच्या माध्यमातून अमित शाह यांनी अप्रत्यक्षपणे कसब्यात प्रचार केल्याची चर्चा आहे. प्रचाराच्या मैदानात प्रत्यक्षपणे न उतरताही कसब्यातील ब्राह्मण मतदारांना या माध्यमातून साद घालण्यात आली आहे. यापूर्वी देवेंद्र फडणवीस, चंद्रकांत पाटील आणि भाजप प्रदेशाध्यक्ष चंद्रशेखर बावनकुळे यांनीही ब्राह्मण मतदारांची समजूत घालण्याचा प्रयत्न केला होता. परंतु, त्याचा फारसा फायदा झाला नव्हता. परंतु, आता अमित शाह यांच्या पुणे दौऱ्यानंतर ही परिस्थिती बदलणार का, हे येत्या काही दिवसांमध्ये स्पष्ट होईल.
कसब्यात भाजप टेन्शनमध्ये, प्रचारासाठी बड्या नेत्यांची फौज पण धाकधूक कायम!कसबा पोटनिवडणुकीसाठी येत्या २६ फेब्रुवारीला मतदान होईल. त्यानंतर २ मार्च रोजी कसबा आणि चिंचवड पोटनिवडणुकीचा निकाल जाहीर होईल. या दोन्ही लढतींमध्ये भाजप विरुद्ध महाविकास आघाडी असा सामना रंगणार आहे. या लढतींचे निकाल काय लागणार, याची उत्सुकता राजकीय वर्तुळाला लागली आहे.
राजकारण या थराला जाणं म्हणजे दुर्दैवच; गिरीश बापटांना प्रचाराला उतरवल्याने सचिन अहिरांची भाजपवर टीका
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
