घायाळ ठाकरेंनी रणशिंग फुंकलं; अमित शहांचा शत्रू क्रमांक एक म्हणून उल्लेख; शिंदेंवरही हल्ला
केंद्रीय निवडणूक आयोगाने शुक्रवारी शिंदे गटाच्या बाजूने निकाल दिल्यानंतर ठाकरे गट प्रचंड आक्रमक झाल्याचे पाहायला मिळत आहे. शिवसेना पक्ष आणि धनुष्यबाण चिन्ह यावर एकनाथ शिंदे यांचाच अधिकार असल्याचे निवडणूक आयोगाने सांगितले. या निकालानंतर संजय राऊत यांनी पत्रकार परिषद घेत एकनाथ शिंदे यांच्यावर गंभीर आरोप केले होते.
शिवसेनाप्रमुख दिवंगत बाळासाहेब ठाकरे यांनी उभी केलेली शिवसेना गद्दारांनी चोरली असा, घणाघात खासदार संजय राऊत यांनी शिंदे गटावर केला. शिवसेनेचं चिन्ह आणि नाव पळवण्यासाठी २ हजार कोटी रुपयांमध्ये सौदा झाला होता, असा आरोपही संजय राऊत यांनी केला होता. यानंतर आता संजय राऊत अडचणीत सापडले असून त्यांच्यावर नाशिकमध्ये गुन्हा दाखल करण्यात आला आहे.
दरम्यान, बेलदार यांच्या फिर्यादीवरून पंचवटी पोलीस ठाण्यात खासदार राऊत यांच्यावर दाखल झालेल्या गुन्ह्यासंदर्भातील तपास सहाय्यक पोलीस निरीक्षक विलास पडोळकर यांच्याकडे देण्यात आला आहे.
