प्रत्येक पक्षाने ठरवलं पाहिजे, की कोणासोबत गेल्यावर आपलं काय होतं. कोणासोबत गेल्यावर फायदा होतो न् कोणासोबत गेल्यावर नुकसान होतं. उद्धव ठाकरेंनी आम्हाला सांगितलं की ते वंचित बहुजन आघाडीसोबत यायला तयार आहोत. आम्ही हो म्हटलं, आमची शिवसेनेसोबत युती आहे, आमची इतर पक्षांसोबत युती नाही, असं प्रकाश आंबेडकर यांनी स्पष्ट केलं.
शिवसेना आणि आमची युती आहे. सेनेने आम्हाला सांगितलं, की महाविकास आघाडीसोबत युती झाली पाहिजे, आम्ही हो म्हटलं, आता चेंडू त्यांच्या कोर्टात आहे, असंही प्रकाश आंबेडकर म्हणाले.
अमित शाह म्हणाले महाराष्ट्रातील सर्व जागा मोदींच्या पारड्यात टाकू, मग शिंदेंना काय मिळणार? फडणवीस म्हणाले…
चिंचवडमध्ये वंचितमुळे ट्विस्ट
एकीकडे शिवसेना महाविकास आघाडीचा घटक पक्ष असल्याने शिवसेना बंडखोर राहुल कलाटे यांना थेट पाठिंबा देऊ शकत नाही. मात्र शिवसेनेची वंचित सोबत युती आहे, तर वंचित मात्र महाविकास आघाडीत समाविष्ट नाही. त्यामुळे वंचितने मोठी खेळी करत राहुल कलाटे यांना पाठिंबा दिला आहे. भाजपला रोखण्याचे काम कलाटे करू शकतात, अशी भूमिका घेत वंचितने अपक्ष असणाऱ्या कलाटेंना पाठिंबा दिला आहे. मात्र वंचितच्या या खेळीने भाजपचाच फायदा होत अश्विनी जगताप यांच्या विजयाचा मार्ग सुकर झाल्याचे बोलले जात आहे.
धनुष्यबाण हाती येताच ‘घड्याळ’ फोडलं, आमदार सुहास कांदेंचा राष्ट्रवादीला पुन्हा धक्का
