जामिनावर सुटल्या वडिलांसोबत घरी जात असलेल्या धम्मप्रिय मनोहर सुरळकर (वय १९) या तरुणाची गोळीबार तसेच चाकूने हल्ला करत निर्घृणपणे हत्या करण्यात आली. ही घटना २२ सप्टेंबर २०२१ रोजी जळगाव तालुक्यातील नशिराबाद येथे राष्ट्रीय महामार्गाच्या उड्डाणपुलाखाली ही घटना घडली होती. या घटनेत मयत धम्मदीप याचे वडील मनोहर दामू सुरळकर (वय ४५) हे जखमी झाले होते. याप्रकरणी नशिराबाद पोलीस ठाण्यात गुन्हा दाखल असून शेख समीर उर्फ भांजा शेख जाकीर (वय- २१) आणि रेहानुद्दीन नईमोद्दीन (वय- २१) या दोघांना अटक करण्यात आली होती. अटक झाल्यापासून ते कारागृहातच होते. हे दोघेही भुसावळमधील पंचशील नगरचे रहिवासी आहेत.
लग्नास नकार दिला म्हणून घरी बोलावून प्रेयसीला संपवले, प्रियकराने भावाच्या मदतीने मृतदेह धरणात फेकला
दरम्यान, मुलाचा डोळ्यादेखत निघृण खून झाल्याचा मनोहर सुरळकर याच्या डोक्यात राग अन् संताप कायम होता. या खटल्याची तारीख असल्याने मुलाचा खून करणाऱ्या शेख समीर व रेहानुद्दीन नईमोद्दीन या दोघांना सोमवारी जळगाव कोर्टात हजर करण्यात येणार होते. याची माहिती मनोहर सुरळकर यांना मिळाली. मुलाचा खून करणाऱ्या दोघांना संपविण्याचा मनोहर सुरळकर यांनी प्लॅन रचला. त्यानुसार मनोहर सुरळकर यांनी सोबत मयत मुलगा धम्मदीप याचा मित्र सुरेश रवी इंधाटे याला सोबत घेतले. हे दोघे कुणालाही संशय येऊ नये म्हणून दोघे चक्क बुरखा घालून मुस्लीम महिलांच्या पेहरावात कोर्ट परिसरातल्या मंदिराजवळ बसले होते.
मोठी खूशखबर! सरकारी कर्मचाऱ्यांची पगारवाढ होणार, जाणून घ्या किती होणार वाढ
मंदिराच्या जवळ बसलेल्या या मुस्लीम पेहरावातील दोघांना पाहून पोलिसांच्या एका खबर्‍याला संशय आला. त्याने याबाबतची माहिती शहर पोलीस ठाण्यात दिली. यानुसार शहर पोलीस ठाण्याचे पोलीस कर्मचारी तेजस मराठे, योगेश इंधाटे, गजानन बडगुजर, उमेश भांडारकर, शहर वाहतूक शाखेचे परमेश्वर जाधव यांनी कारवाई करत गोळीबार करून खून करण्याच्या प्रयत्नात असलेल्या दोघांना अटक केली. या प्रसंगी झालेल्या झटापटीत मनोहर सुरळकर याला अटक करण्यात आली आहे, त्यांच्यासोबत असलेला सुरेश रवी इंधाटे हा पसार झाला आहे. मनोहर सुरळकर याची झडती घेतली असता त्याच्याकडे पर्स आढळून आली. यात एक गावठी पिस्तूल आणि पाच जीवंत काडतुसे आढळून आली. आपण आपल्या मुलाचा बदला घेण्यासाठी येथे आलो असल्याची कबुली मनोहरने दिली आहे.
अदानी जगातील श्रीमंतांच्या यादीत घसरले; जाणून घ्या कितव्या स्थानी आले, किती संपत्ती गमावली
दरम्यान, सतर्क असलेल्या जळगाव शहर पोलिसांच्या पथकामुळे मोठी घटना टळली आहे. यामुळे पोलीस अधीक्षक एम. राजकुमार यांनी स्वत: यांनी जळगाव शहर पोलीस ठाण्यात येवून कारवाई करणाऱ्या जळगाव शहर पोलीस ठाण्याचे पोलीस निरिक्षक विजयकुमार ठाकूरवाड व पोलीस कर्मचारी तेजस मराठे, योगेश इंधाटे, गजानन बडगुजर, उमेश भांडारकर, शहर वाहतूक शाखेचे परमेश्वर जाधव या कर्मचाऱ्यांचे कौतुक करत अभिनंदन केले आहे.
