लाईव्ह कॉन्सर्टनंतर सोनू निगम स्टेजवरुन खाली येत असताना एका व्यक्तीने त्याला पकडले. आक्षेप घेतल्यानंतर त्याने सोनू निगम आणि त्याच्यासोबत असलेल्या दोन व्यक्तींना पायऱ्यांवरून ढकलले, त्या दोघांपैकी एक जण जखमी झाला. स्वप्नील फातर्पेकर असे आरोपीचे नाव असल्याची माहिती झोन 6 चे पोलीस उपायुक्त हेमराजसिंग राजपूत यांनी दिली.
सोनूसह काही जणांना तात्काळ रुग्णालयात नेण्यात आले. सोनू सुखरुप असून त्याचे गुरु गुलाम मुस्तफा खान यांचे सुपुत्र रब्बानी खान, सोनूचा निकटवर्तीय आणि सुरक्षारक्षक यांना दुखापत झाल्याची माहिती आहे. त्यांच्यावर रुग्णालयात वैद्यकीय उपचार करण्यात येत आहेत.
कॉन्सर्ट संपल्यानंतर मी स्टेजवरून खाली येत असताना स्वप्नील प्रकाश फातर्पेकर याने मला धरले. त्यानंतर मला वाचवण्यासाठी आलेल्या हरी आणि रब्बानी यांना त्यांनी धक्काबुक्की केली. तेव्हा मी पायरीवर पडलो. मी तक्रार दाखल केली, जेणेकरून लोकांनी जबरदस्तीने सेल्फी घेण्याबाबत आणि वाद घालण्याबाबत विचार करावा, अशी प्रतिक्रिया सोनू निगमने दिली आहे.
पाहा व्हिडिओ :
विशेष म्हणजे, ज्याच्यासोबत सोनूच्या सुरक्षारक्षकांची बाचाबाची करणाऱ्या स्वप्नीलचे पिता आणि आमदार प्रकाश फातर्पेकरच या फेस्टिव्हलचे आयोजक असल्याची माहिती आहे. चार दिवस सुरु असलेल्या या फेस्टिव्हलची सांगता सोनूच्या परफॉर्मन्सने झाली. आयोजकांच्या टीमपैकी काही जणांनी सोनूची मॅनेजर सायरासोबत गैरवर्तन केल्याचं वृत्तही काही माध्यमांनी दिली आहे.
दिल्लीतल्या एका लग्नाच्या रिसेप्शनमध्ये नाचले भाईजान आणि खिलाडी, VIDEO व्हायरल
