12th std student suicide, परीक्षेला उरले होते काही तास, स्टडीरुममध्ये जाऊन झोपला; १२वीच्या विद्यार्थ्याची सकाळ झालीच नाही – 12th standard student takes big step before board exam in aurangabad

औरंगाबाद: बारावीची परीक्षा काही तासावर आलेले असतानाच बारावीच्या एका विद्यार्थ्याने आपल्या अभ्यासाच्या खोलीत छताला ओढणीच्या साह्याने गळफास घेत जीवन संपविल्याची घटना सिडकोतील गुरुनगर हाऊसिंग सोसायटी येथे उघडकीस आली. या घटनेमुळे एकच खळबळ उडाली असून परिसरात हळहळ व्यक्त करण्यात येत आहे. आमन रवींद्र अहिरेवाल वय (रा.एन -८, गुरूनगर हौसिंग सोसायटी, सिडको) असे आत्महत्या करणाऱ्या विद्यार्थाचे नाव आहे.

याप्रकरणी अधिक माहिती अशी की, अमन हा शहरातील कुलभूषण गायकवाड या महाविद्यालयात बारावीच्या वर्गात शिकत होता. नेहमी प्रमाणे अमन रविवारी रात्री जेवण केल्यानंतर त्याच्या तिसऱ्या मजल्यावर अभ्यासाच्या खोलीत झोपण्यासाठी गेला होता. मात्र सकाळी तो बराचवेळ झाला तरी उठला नव्हता. रात्री उशिरापर्यंत अभ्यास केला असल्याने झोपला असावा असा घरच्यांचा समज झाला. मात्र, दुपार झाली तरी आमन उठला नसल्याने आजोबा त्याच्या खोलीकडे गेले व हाक दिली.

नात्याला काळिमा; शेतजमीन नावावर न केल्याचा राग, ४ वर्षीय पुतणीला संपवलं; घटनेनं सोलापूर हादरलं
मात्र आतून आमनने हाकेला उत्तर दिलं नसल्याने आजोबांनी फटीतून पाहिले असता आमनने ओढणीच्या सहायाने छताच्या अँगलला गळफास घेतल्याचे दिसले. घरच्यांनी त्याला तातडीने खाली उतरवत रुग्णालयात हलविले. मात्र तेथे डॉक्टरांनी तपासून त्याला मृत घोषित केले. अमनने परीक्षेच्या दडपणातून आत्महत्या केली असावी असा अंदाज व्यक्त करण्यात येत असून या प्रकरणी सिडको पोलीस ठाण्यात अकस्मात मृत्यूची नोंद करण्यात आली आहे. आमनने आत्महत्येच्या एकदिवस आधीच तयारी केली होती. त्याने पहिल्या मजल्यावरील शिडी तिसऱ्या मजल्यावर नेऊन ठेवली होती त्याद्वारे त्याने छताला ओढणी बांधली होती. पुढील तपास पोलीस निरीक्षक संभाजी पवार करीत आहेत.

पुण्यात विद्यार्थिनीने आयुष्य संपवलं, आईने २० दिवसांनी वही उघडली, हादरवणारं कारण समोर