uddhav thackeray, Thackeray Vs Shinde: जुना पक्ष, नवा राजा! शिवसेनेच्या कार्यकारिणीची बैठक, एकनाथ शिंदे होणार नवे पक्षप्रमुख – shiv sena national executive meeting eknath shinde will be elected as new party chief instead of uddhav thackeray

शिंदेंचा डाव फसणार? ठाकरे गटाच्या आमदारांना व्हिपचा धोका नाही, आमदारकी शाबूत राहणार; कारण…

धनुष्यबाणासाठी ठाकरेंची सुप्रीम कोर्टात धाव, तातडीच्या सुनावणीस नकार; शरद पवारांचा उद्धव ठाकरेंना फोन

निवडणूक आयोगाच्या निकालातील तीन विसंगती ठाकरेंच्या पथ्यावर पडणार?

केंद्रीय निवडणूक आयोगाने शिवसेना नाव आणि धनुष्यबाण हे पक्षचिन्ह शिंदे गटाला बहाल करताना निकालपत्रात अनेक बाबी नमूद केल्या होत्या. आपण कोणत्या निष्कर्षांच्याआधारे हा निर्णय घेतला, याची कारणमीमांसा आयोगाकडून करण्यात आली होती. मात्र, या निकालात अनेक विसंगती असल्याची चर्चा आहे. केंद्रीय निवडणूक आयोगाने आमदार आणि खासदारांच्या संख्याबळाच्या आधारे शिंदे गटाची बाजू उचलून धरली होती. शिंदे गटाकडे पक्षाचे उपनेते, विभाग प्रमुख, जिल्हाप्रमुख, प्रतिनिधी सभेतील सदस्यांचा बहुमताने पाठिंबा आहे. याशिवाय, ४० आमदार व १३ खासदारांचा पाठिंबा असल्याने त्यांच्याकडे बहुमत असल्याचा निष्कर्ष आयोगाने काढला होता. हा निष्कर्ष काढताना आयोगाने आमदार आणि खासदारांना निवडणुकीत मिळालेली मतं गृहीत धरली होती. परंतु, एखाद्या आमदार किंवा खासदाराला मिळालेली मतं ही सर्वस्वी त्याच्या एकट्याची असू शकत नाहीत, पक्षनेतृत्त्व, पक्षाचे धोरण यांच्याकडे बघूनही अनेक मतदार संबंधित पक्षाच्या उमेदवाराला मतदान करतात. त्यामुळे सर्वोच्च न्यायालयातील सुनावणीत हा मुद्दा शिंदे गट आणि निवडणूक आयोगासाठी अडचणीचा ठरू शकतो.