नवी दिल्ली : ऑस्ट्रेलियाच्या संघाला आता अजून एका मोठा धक्का बसला आहे. कारण ऑस्ट्रेलियाचा दुसरा खेळाडू आता या मालिके बाहेर गेल्याचे समोर आले आहे. त्याचबरोबर ऑस्ट्रेलियाचा कर्णधारही मायदेशी परतला आहे. त्यामुळे आता ऑस्ट्रेलियाचे तिसऱ्या कसोटीत नेमकं काय होणार, याची चिंता त्यांच्या चाहत्यांना नक्कीच असेल.भारताला दुसऱ्या कसोटीत लाजीरवाणा पराभव पत्करावा लागला आणि त्यानंतर संघाचे समीकरण संपूर्णपणे बदलले आहे. कारण पराभवानंतर ऑस्ट्रेलियाच्या हातून बॉर्डर गावस्कर ट्रॉफी निसटली आहे, त्यांना आता ही ट्रॉफी मिळवता येणार नाही. त्याचबरोबर त्यांचे आयसीसीच्या कसोटी क्रमवारीतील अव्वल स्थान खालसा झाले आहे. भारतीय संघ आता अव्वल स्थानावर विराजमान झाला असून ऑस्ट्रेलियाची दुसऱ्या स्थानावर घसरण झाली आहे. या पराभवानंतर आता ऑस्ट्रेलिया आता ही मालिका जिंकू शकत नाही, हेदेखील स्पष्ट झाले आहे. त्याचबरोबर आता ऑस्ट्रेलियाचा दुसरा खेळाडू मालिकेत खेळणार नसल्याचेही स्पष्ट झाले आहे.सोमवारी ऑस्ट्रेलियाचा वेगवान गोलंदाज जोश हेझलवूड या मालिकेत खेळणार नसल्याचे समोर आले होते. त्याचबरोबर दुसऱ्या कसोटीनंतर ऑस्ट्रेलियाचा कर्णधार पॅट कमिन्स हा मायदेशी रवाना झाला आहे. तो आता कधी परतणार, याबाबत कोणीतीही माहिती समोर आलेली नाही. त्यानंतर आता ऑस्ट्रेलियाला तिसरा धक्का बसला आहे. कारण आता ऑस्ट्रेलियाचा अनुभवी सलामीवीर डेव्हिड वॉर्नर हा आता या मालिकेत खेळणार नसल्याचे स्पष्ट झाले होते. दुसऱ्या कसोटी सामन्यात फलंदाजी करताना मोहम्मद सिराजचा चेंडू वॉर्नरला लागला होता आणि त्याला गंभीर दुखापत झाली होती. या दुखापतीनंतर तो या सामन्यात खेळणार नसल्याचे स्पष्ट झाले होते. त्यामुळेच वॉर्नरच्या जागी मॅच रेनशॉ याला संघात स्थान देण्यात आले होते. त्यानंतर वॉर्नर आता तिसऱ्या कसोटीत खेळणार की नाही याची उत्सुकता चाहत्यांना होती. पण वॉर्नरची दुखापत गंभीर स्वरुपाची आहे आणि तो लवकर फिट होऊ शकणार नाही, हे समोर आले आहे. त्यामुळे आता वॉर्नर या बॉर्डर गावस्कर ट्रॉफीत खेळणार नसल्याचे स्पष्ट झाले आहे.
