शहरात शौचालयाचे बार होत असतील तर संबंधित शासकीय यंत्रणा काय करते हा प्रश्न नवी मुंबईकरांना सतावत आहे. यात मनपाच्या अधिकाऱ्याचा हस्तक्षेप असल्याचा आरोप करत यावर कठोर कारवाई करण्याची मागणी मनसेने केली आहे. या ठिकाणी बारच्या कर्मचाऱ्यांना विचारणा केली असता बार मालक कोण या विषयी माहिती नसल्याचे सांगण्यात आले. मात्र, सदर शौचालय हे महानगर पालिकेच्या मालकीचे नसून सिडकोकडे आहे. त्यामुळे त्याच्यावर सिडकोचा अधिकार आहे. सदर परिस्थितीबाबत सिडकोला पत्राद्वारे कळवण्यात आले आहे.
आई मला खूप मारलंय, डोक्याला विक्स लावताच बेशुद्ध; शेवटचा श्वास घेण्याआधी म्हणाला, सागर….
नवी मुंबईतील बार व्यवसायिकांना ना पोलिसांची भीती आहे ना प्रशासनाची. त्यामुळेच हम करे सो कायदा या प्रणालीचा वापर करून हे बार व्यावसायिक वागताना पहायला मिळत आहेत. काही मनसे कार्यकर्त्यांनी या ठिकाणी जात हे प्रकरण बाहेर काढल्याने ही धक्कादायक बाब उजेडात आली आहे. शहरात शौचालयाचे बार होत असतील तर पोलीस प्रशासन आणि संबंधित शासकीय यंत्रणा काय करते हा प्रश्न नवी मुंबईकरांना सतावत आहे. प्रत्यक्षात हे सिडकोचे शौचालय असून अद्याप एपीएमसी प्रशासनाकडे हस्तांतरित करण्यात आले नाही. यात मनपाच्याच एका अधिकाऱ्याचा हस्तक्षेप असल्याचा आरोप करत यावर कठोर कारवाई करण्याची मागणी मनसेने केली आहे.
