बीड : ट्रक-मोटारसायकलच्या भीषण अपघातात तरुणाला प्राण गमवावे लागल्याची घटना समोर आली आहे. बीड जिल्ह्यातील माजलगाव शहरातील राष्ट्रीय महामार्ग ६१ वर‌ हा अपघात घडला.

मार्केट कमिटी नवीन मोंढा समोर स्पीड ब्रेकरवर मोटारसायकलचा ताबा सुटला. त्यामुळे समोरून येणाऱ्या ट्रकला दुचाकी धडकली. या अपघातात एक तरुण जागीच ठार झाल्याची घटना समोर आली आहे

या अपघाता प्रकरणी मिळालेल्या माहितीनुसार, घनसावंगी तालुक्यातील शिंदे वडगाव येथील शेख सलीम शेख अलीम (वय ३३ वर्ष) हा तरुण माजलगाव येथे लग्न समारंभासाठी गेला होता. मोटारसायकल क्र. एम.एच.21/बीडब्ल्यू 8186 वरुन मंगळवारी रात्री 12 वाजता परत गावाकडे निघाला होता.

तो शहरातील राष्ट्रीय महामार्ग-६१ वर‌ असलेल्या मार्केट कमिटी, नवीन मोंढा समोर आला असता स्पीड ब्रेकर न दिसल्याने त्याचा मोटारसायकलवरचा ताबा सुटला व समोरून भरधाव येणाऱ्या ट्रक क्र. एम.एच.-19/झेड 1921 च्या समोर आला. यावेळी ट्रकच्या धडकेत त्याचा जागीच मृत्यू झाला.

२३ वर्षीय तरुणाला हाव सुटली, हातावर पोट असलेल्या महिलेचा खून, सात दिवसात गूढ उकललं
दरम्यान, अपघातस्थळी माजलगांव शहर पोलीस ठाण्याचे सहाय्यक पोलीस निरीक्षक संदीप मोरे व अमोल कदम यांनी भेट देऊन पोलिसांनी ट्रक ताब्यात घेतला आहे. मात्र या घटनेमध्ये तरुणाचा जागीच मृत्यू झाल्याने परिसरात हळहळ व्यक्त केली जात आहे.
Mumbai Crime : नवरा लग्नाचा वाढदिवस विसरला, बायकोचं टाळकं फिरलं, माहेरी फोन केला न्…
अचानक घडलेल्या या घटनेने शिंदे वडगाव येथील शेख कुटुंबावर शोककळा पसरली आहे. गेल्या काही दिवसांमध्ये या परिसरात सात ते आठ अपघात झाले असून या ठिकाणी अनेक जण अपघातात मृत्युमुखी पावले आहेत.

मला धक्का दिला, माझा साथीदार थोडक्यात बचावला; सोनू निगमकडून आमदाराच्या मुलावर थेट आरोप

LEAVE A REPLY

Please enter your comment!
Please enter your name here