मुंबई : ‘ख्वाडा’ आणि ‘बबन’ चित्रपटातून प्रस्थापित व्यवस्थेला झुगारुन अन्यायाविरोधात बंड केल्याने अभिनेता याने प्रेक्षकांच्या मनात घर केलं. तोच भाऊसाहेब आता बळीराजाचं दु:ख मांडण्यासाठी ‘रौंदळ’ चित्रपट घेऊन येतोय. इथल्या प्रस्थापितांना भिडणाऱ्या आणि राजकारण्यांना नडणाऱ्या स्टोरीचा ट्रेलर प्रदर्शित झालाय. या ट्रेलरचं सर्वत्र कौतुक होतंय. भाऊच्या दमदार अभिनयाने चित्रपटसृष्टीतल्या लोकांनीही त्याच्या पाठीवर कौतुकाची थाप मारली आहे. अभिनेते यांनी भाऊला राऊडी अंदाज शुभेच्छा दिल्या आहेत.किरण माने यांनी ‘रौंदळ’ चित्रपटाचं कौतुक करणारी फेसबुक पोस्ट लिहिली आहे. ज्यातून त्यांनी दिग्दर्शक गजानन पडोळ आणि अभिनेता भाऊसाहेब शिंदेचं तोंडभरुन कौतुक केलंय. ट्रेलर बघितल्या-बघितल्या वाटलं की “आयला! हे मला का नाय सुचलं?? आन् हितंच पयल्यांदा दिग्दर्शक जिंकला, असं सरतेशेवटी किरण माने यांनी म्हटलं.किरण माने यांनी फेसबुक पोस्टमध्ये काय म्हटलंय?बहुतेक कायतरी भन्नाट येतंय भावांनो… आपल्या मातीतलं… आपल्या भवताली घडनारं… ट्रेलर तर लै खतरनाक वाटला… पिच्चरची उत्सूकता हाय आता! तुमाला म्हायतीय दोस्तांनो, ग्रामीण मातीतनं मनोरंजन क्षेत्रात येऊ पहानार्‍या पोरांबद्दल माझ्या मनात एक हळवी जागा हाय. त्यात एक भर पडतीय. गजानन नाना पडोळ! या दिग्दर्शकाची मुळं मातीतलीच असनार हा माझा ‘अंदाज’ सोडला, तर आता ही पोस्ट लिहीपर्यन्त मला या पोराबद्दल कायबी माहिती नाय. त्याचा इतिहास, वर्तमान… कायबी नाय. पन एक सांगतो… हा पिच्चर जर ट्रेलरइतकाच जबराट निघाला, तर ह्यो पोरगा मेन स्ट्रिम मराठी सिनेमाचं ‘भविष्य’ नक्कीच बदलू शकतो! ट्रेलरमधी हिरो हा आधुनिक शेतकरी हाय हे ठसठशीत जानवतं. त्योबी ऊस लावणी करनारा.. ऊसाची शेती पश्चिम महाराष्ट्राला नविन नाय. मी तर त्याच वातावरनात वाढलोय. ऊसाच्या लागवडीपास्नं कारखान्यात जाईपर्यंत शेतकऱ्याला करावी लागनारी जीवघेनी धडपड… त्यात या गोड ऊसाच्या पाठीमागनं आलेलं भयानक कडवट राजकारण… राजकीय द्वेषातनं विरोधकांचा ऊस न उचलनं.. मुद्दाम उशीर करनं… वजन काटा मारनं… अशा लै लै लै गोष्टी लहानपनापास्नं मी जवळनं बघितल्यात. पन ह्या गोष्टीवर कुठला पिच्चर निघंल असं सपनातबी वाटलं नव्हतं. ट्रेलर बघितल्या-बघितल्या वाटलं की “आयला ! हे मला का नाय सुचलं??” आन् हितंच पयल्यांदा जिंकला दिग्दर्शक!आपल्या जाणीवांचं, आपल्या जगन्यातलं कायतरी पडद्यावर दिसलं तर जो आनंद होतो… तो ह्यो ट्रेलर बघून मला झालं ! बघू. आत्ता एक्साईटमेन्टवर जरा ताबा ठेवतो. पिच्चर आल्यावर मात्र लगीच झडप घालून बघनार… गजा, भावा… जाळ काढ जाळ… भडका उडला पायजे… ‘रौंदळ’साठी लै लै लै शुभेच्छा.
