योगेश जाधव (वय २७ वर्ष, रा. पाटील इस्टेट, शिवाजीनगर) आणि संकेत साबळे (वय २० वर्ष, रा. कोथरुड) अशी जखमींची नावे आहेत.
२३ वर्षीय तरुणाला हाव सुटली, हातावर पोट असलेल्या महिलेचा खून, सात दिवसात गूढ उकललं
पोलिसांनी दिलेल्या माहितीनुसार, फिर्यादी योगेश हा २० फेब्रुवारीला वाकडेवाडी एसटी स्थानक परिसरातून रस्त्याने पायी चालला होता. त्यावेळी अंधाराचा फायदा घेत दोघा चोरट्यांनी त्याला गाठून पैशांची मागणी केली. ३०० रूपये काढून घेत चोरट्यांनी योगेशचा मोबाईल घेण्याचा प्रयत्न केला. मात्र, त्याने विरोध केल्यामुळे रागातून चोरट्याने त्याच्यावर कटरने वार केला. त्यामुळे योगेशने आरडओरड केल्याने परिसरातील नागरिक मदतीला धावून आले. त्यामुळे पळून जात असताना चोरटा खाली पडून जखमी झाला. नागरिकांनी धरलं आणि त्याला खडकी पोलिसांच्या ताब्यात दिले.
तात्या, विद्युतदाहिनीत बॉडी टाकली नि… रात्री ११.३० ला वसंत मोरेंना स्मशानभूमीतून फोन
दरम्यान, दुसर्‍या घटनेतही चोरट्यांना तरुणाने पैसे देण्यास नकार दिल्यामुळे त्याच्यावर कटरने वार करुन जखमी करण्यात आले. संकेत साबळे असे जखमीचे नाव आहे. दरम्यान, या प्रकरणी चोरट्यांच्या दोन साथीदारांचा शोध घेण्यात येत असल्याची माहिती खडकी पोलिसांनी दिली आहे. पोलीस उपनिरीक्षक वैभव मगदूम तपास करीत आहेत.
वधूसाठी लग्नाची मिरवणूक घेऊन वर हॉस्पिटलमध्ये पोहोचला, बेडलाच बनवले मंडप!
