थिरुअनंतपुरम: केरळच्या कोझिकोड जिल्ह्यातील कुरुमालामध्ये एका कारला भीषण अपघात झाला. कार उलटली आणि दोनदा फिरली. त्यावेळी कारमधील महिला कारला धरून राहिली. कारमधून बाहेर फेकली जाण्याची शक्यता असताना महिलेनं कारला धरुन ठेवलं. त्यामुळे ती कारसोबत गोल गोल फिरली. अपघातावेळी कारमध्ये ४ जण होते. हे चारही जण अपघातातून चमत्कारिकरित्या बचावले.

कारचा वेग जास्त होता. कार सुसाट वेगात रस्त्याच्या कडेला असलेल्या भिंतीला धडकली. त्यानंतर काल उलटली. वेग जास्त असल्यानं कार रस्त्यात दोनवेळा गोल गोल फिरली. यावेळी महिला कारच्या बाहेर फेकली जाणार होती. मात्र तिनं बाहेरुन कारला धरलं. त्यामुळे कारसोबत तीदेखील गोल गोल फिरली. स्थानिकांनी घटनास्थळी धावत घेत कारमधील प्रवाशांना बाहेर काढलं. चारपैकी एका प्रवाशाच्या हाताला दुखापत झाली आहे. त्याच्यावर एका खासगी रुग्णालयात उपचार सुरू आहेत.
मला शोधू नका! राज्य सरकारनं इस्रायलाला पाठवलेला शेतकरी अचानक बेपत्ता; अखेर कारण समोर
कोझीकोड जिल्ह्यातील करुमलात हा अपघात झाला. यावेळी कारमध्ये महिलेसह आणखी तीन जण होते. त्यात एका लहान मुलाचा समावेश आहे. कारचा वेग जास्त असताना अपघात झाला. कार भररस्त्यात उलटली. दैवबलवत्तर असल्यानं सगळे प्रवासी अपघातातून बचावले. हा संपूर्ण प्रकार सीसीटीव्हीत कैद झाला आहे. त्यात कार भिंतीला धडकून उलटताना दिसत आहे. कार गरागरा फिरत असताना प्रवासी महिलादेखील गोल गोल फिरली. सीसीटीव्हीत कैद झालेल्या व्हिडीओमध्ये काही दुचाकीस्वार महिलेसह इतरांना कारमधून बाहेर काढण्यासाठी मदत करताना दिसत आहेत.
दोघांत तिसरा आला अन् जीव गेला; ट्रेनमधील बॉडीचं गूढ ९ दिवसांनी उकलले; पेटीमुळे आरोपी अडकले
महिन्याच्या सुरुवातीला कोझेकोडमध्ये एक भीषण अपघात झाला. चालत्या कारनं पेट घेतल्यानं पती, पत्नीचा होरपळून मृत्यू झाला. पत्नी गर्भवती होती. तिला प्रसुतीकळा सुरू झाल्यानं पती रुग्णालयाकडे निघाला होता. मात्र रस्त्यात कारनं पेट घेतला. कारमध्ये मागच्या सीटवर कुटुंबीय होते. त्यांचा जीव वाचला. मात्र पती, पत्नीचा दुर्दैवी अंत झाला. प्रिजित (३५) आणि रिशा (२६) अशी दोघांची नावं होती. ते कुट्टियात्तूरचे रहिवासी होते. कारला आग लागल्यानंतर दोघांनी बाहेर पडण्यासाठी हरतऱ्हेचे प्रयत्न केले. मात्र पुढची दोन्ही दारं उघडली गेली नाहीत. त्यामुळे त्यांचा जीव गेला.

LEAVE A REPLY

Please enter your comment!
Please enter your name here