अब्जाधीश उद्योगपती मुकेश अंबानी यांचा रिलायन्स समूह हा क्रिकेट चाहत्यांना आयपीएल मोफत दाखवण्याची योजना आखत आहे. कंपनी २.७ अब्ज डॉलर म्हणजे जवळपास २,२३,४९,८८,४५,००० रुपये मोजून आयपीएलचे मीडिया राइट्स खरेदी केले आहेत. एवढे पैसे मोजल्यानंतरही रिलायन्स क्रिकेट चाहत्यांना मोफत आयपीएल का दाखवणार? असा प्रश्न पडला असेल. पण क्रिकेट चाहत्यांना मोफत सामने दाखवून कंपनीही लाखो रुपये कमवणार आहे.
अशी होईल कोट्यवधींची कमाई
आयपीएल सामने मोफत दाखवून रिलायन्स कोट्यवधी रुपये कमवेल. रिलायन्सच्या या निर्णयामुळे कंपनी वॉल्ड डिस्ने आणि अॅमेझॉनला टक्कर देईल. वायकॉम १८ हे रिलायन्स समूह आणि पीरामल ग्लोबलचा संयुक्त उपक्रम आहे. त्यांनीच आयपीएलच्या सामन्यांचे मीडिया राइट्स खरेदी केले आहेत. कंपनी क्रिकेट चाहत्यांना मोफत सामने दाखवले. पण जाहिरातींच्या माध्यमातून कोट्यवधी रुपये कमवण्याच्या योजनेवर कंपनीकडून काम सुरू आहे. एवढचं नव्हे, तर यामुळे जिओलाही फायदा होईल. सामने पाहण्यासाठी डेटाचा वापर वाढेल. तसेच सामन्यांच्या स्ट्रिमिंगसाठी अधिक इंटरनेटची गरज पडेल. याचा फायदा रिलायन्स जिओला होईल.
अदानींच्या घसरणीचा तुफान स्पीड! अंबानींच्या तुलनेत निम्म्यावर आली नेटवर्थ; ६४,४५,५२,३९,००,०० रुपये पाण्यात
आयपीएलचे सामने कधीपासू सुरू होणार?
येत्या ३१ मार्चपासून आयपीएलला सुरुवात होणार आहे. यंदाच्या आयपीएलमधला पहिला सामना हा गुजरात टायटन्स आणि चेन्नई सुपर किंग्जमध्ये होणार आहे. यंदाच्या आयपीएल हंगामात साखळी फेरीत ७० सामने खेळवले जाणार आहेत. स्पर्धे १० संघ असून दो गट पाडण्यात आले आहेत. अ गटात मुंबई इंडियन्स, राजस्थान रॉयल्स, केकेआर, दिल्ली कॅपिटल्स, लखनऊ सुपर जायंट्स तर ब गटात चेन्नई सुपर किंग्ज, पंजाब किंग्ज एलेवन, सनरायझर्स हैदराबाद, आरसीबी आणि गुजरात टायटन्स हे संघ आहेत. या हंगामातील अंतिम सामना हा २८ मे रोजी खेळवला जाईल. कामाची बातमी! ग्रॅच्युइटी रक्कम ठरवताना वापरला जातो हा फॉर्म्युला, नेमकं कॅलक्युलेशन समजून घ्या
