कटुंबातील चौघांचा अपघात, अंत्यसंस्कारावेळी अपघातातून वाचलेल्या अश्विनच्या संवादाने उपस्थितांना अश्रू अनावर
अक्कलकोटच्या दिशेने जाताना कंटेनर आडवा आला
विनीत पोरंडला व पवन नामपल्ली हे दोघे सोलापूरकडून अक्कलकोटकडे दुचाकी (एमएच १३-ईबी-०२६८)वरून गुरुवारी २३ फेब्रुवारी रोजी सायंकाळी ७ वाजण्याच्या सुमारास जात होते. अक्कलकोट रोडवरील टाटा शोरूमजवळ कंटेनर (एम एच ४५ ए एफ ६१९१) हा आडवा आला. वेग जास्त असल्याने दुचाकी नियंत्रणात आली नाही आणि दोन्ही तरुण कंटेनरखाली घसरत गेले. अपघात इतका भीषण होता की, विनीत पोरंडला याच्या डोक्याला जबर मार लागून मेंदू रस्त्यावर पडला होता.
मुलाचा मृतदेह पाहून आईचा आक्रोश
कलावती पोरंडला या एकल महिला आहेत. कलावती यांना दोन मुलं होती. पतीच्या निधनानंतर घराची संपूर्ण जबाबदारी कलावती यांच्यावर आली आहे. कलावती या सोलापुरातील एका खाजगी रुग्णालयात काम करतात. मोठा मुलगा दिव्यांग आहे, तर लहान मुलगा विनीत पोरंडला हा अभ्यासात हुशार असल्याने कलावती यांनी खूप मेहनतीने विनीतला इंजिनिअर बनवले होते. मात्र इलेक्ट्रॉनिक अँड टेलीकम्युनिकेशनचे शिक्षण पूर्ण होताच भीषण अपघातात विनीतचा गुरुवारी २३ फेब्रुवारी रोजी सायंकाळी मृत्यू झाला आहे. मुलगा इंजिनिअर झाला, आपल्या कष्टाचे चीज झाले, असं समाधान बाळगलेल्या कलावती यांच्या नशिबी पुन्हा दुःखाचा डोंगर आला आहे.
