MNS 50 party workers resign | कसबा पोटनिवडणुकीच्या मतदानाला अवघे काही तास शिल्लक असताना पुण्यात मनसेला मोठा धक्का बसला आहे. मनसेच्या ५० पदाधिकाऱ्यांनी राजीनामे दिले आहेत.
हायलाइट्स:
- राज ठाकरेंनी मनसेच्या सात कार्यकर्त्यांवर कारवाई केली
- पुण्यात मनसेला खिंडार पडले आहे
- मनसेला खिंडार पडल्याने भाजपच्या हेमंत रासने यांची अडचण होऊ शकते
Kasba Bypoll: कसबा हिंदुत्ववाद्यांचा मतदारसंघ, बाह्मण समाज नाराज ही निव्वळ अफवा: देवेंद्र फडणवीसआज कसबा आणि चिंचवड पोटनिवडणुकीच्या प्रचाराचा शेवटचा दिवस आहे. त्यामुळे भाजप आणि महाविकास आघाडीकडून शेवटच्या दिवशी प्रचारासाठी जोर लावण्यात येणार आहे. अशावेळी मनसेचे हे ५० कार्यकर्ते उघडपणे काँग्रेसच्या रवींद्र धंगेकर यांचा प्रचार करणार आहेत. याचा फटका भाजपचे उमेदवार हेमंत रासने यांनाही बसू शकतो. कसबा विधानसभा मतदारसंघ गेली अनेक वर्षे भाजपचा बालेकिल्ला आहे. मात्र, यंदा बदललेल्या राजकीय समीकरणांमुळे कसब्याची पोटनिवडणूक भाजपसाठी अवघड झाली आहे. अशावेळी शिंदे गट आणि मनसेकडून मिळणारी राजकीय रसद भाजपसाठी अत्यंत महत्त्वाची आहे. परंतु, आता मनसेलाच खिंडार पडल्याने भाजपच्या हेमंत रासने यांची अडचण होऊ शकते.
हा सिंघमचा पंजा आहे; कसबा पोटनिवडणुकीच्या प्रचारात आदित्य ठाकरेंचा भाजप, शिंदे गटावर हल्लाबोलकसबा पोटनिवडणुकीत हेमंत रासने यांच्या प्रचारासाठी शुक्रवारी मुख्यमंत्री एकनाथ शिंदे पुण्यात रोड शो करणार आहेत. तर रवींद्र धंगेकर यांच्याकडूनही रोड शोच्या माध्यमातून शक्तीप्रदर्शन होईल. कसबा पोटनिवडणुकीसाठी २६ फेब्रुवारीला मतदान होणार आहे. तर २ मार्च रोजी कसबा पेठ आणि चिंचवड पोटनिवडणुकीचा निकाल जाहीर होईल. या दोन्ही ठिकाणी भाजप-शिंदे गट विरुद्ध महाविकास आघाडी अशी लढत आहे. चिंचवडमध्ये अपक्ष म्हणून रिंगणात उतरलेले राहुल कलाटे चमत्कार करुन दाखवणार का, याकडेही अनेकांच्या नजरा लागल्या आहेत. मात्र, कसब्यातील हेमंत रासने विरुद्ध रवींद्र धंगेकर ही लढत अत्यंत अटीतटीची ठरण्याची शक्यता आहे.
चिंचवड पोटनिवडणुकीच्या प्रचारासाठी पंकजा मैदानात म्हणाल्या, पक्षाचं नंतर आधी विजयाचं बघू
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
