sangli horse cart accident, जीवलगांनी एकत्रच जीव सोडला, बहिणीकडून येताना बसने उडवलं, तरुणासह घोड्याचाही मृत्यू – maharashtra sangli horse cart owner dies in accident with favorite pet after bus hits while coming back from sister place

सांगली : भरधाव बसने घोडा गाडीला जोरदार धडक दिल्याने भीषण अपघात झाला. यामध्ये घोडा गाडीचा मालक आणि घोडा दोघेही जागीच ठार झाले. ही घटना सांगलीतील आष्टा नजीक घडली आहे. विजय मदने (वय २५ वर्ष) असे मृत युवकाचे नाव आहे. बहिणीला भेटून घरी परतत असताना त्याच्यावर काळाने घाला घातला. आष्टा- इस्लामपूर मार्गावरील महालक्ष्मी पेट्रोल पंपाजवळ हा अपघात झाला आहे.

वाळवा तालुक्यातील कारंदवाडी येथील विजय मदने याला घोडा गाडीची आवड होती. त्यामुळे तो घोडागाडीने प्रवास करत असे. बुधवारी २२ फेब्रुवारी रोजी विजय हा आपल्या बहिणीला भेटायला गेला होता, आणि बहिणीची भेट झाल्यानंतर तो रात्रीच्या सुमारास आपली घोडा गाडी घेऊन कारंदवाडी या आपली गावी परतण्यासाठी निघाला होता.

आष्टा इस्लामपूर मार्गावरील महालक्ष्मी पेट्रोल पंपावर रात्री १० वाजताच्या सुमाराला विजय याची घोडागाडी पोहोचली असता, समोरून येणाऱ्या बस क्रमांक एमएच 06 -8345 या एसटीच्या चालकाने ओव्हरटेक करुन पुढे जाण्याच्या प्रयत्न केला. भरधाव गाडी चालवली असता, समोरून येणाऱ्या विजय मदने याच्या घोडागाडीला जोरदार धडक दिली.

ही धडक इतकी भीषण होती की यामध्ये घोडा गाडीचा चक्काचूर झाला. घोडा व विजय मदने यांना जोरदार मार लागला, त्यामध्ये गंभीर जखमी झालेल्या विजय मदने व त्याच्या घोड्याने जागीच प्राण सोडले.

नादुरुस्त बॉयलर बेल्ट अचानक सुरु, कामगार आत ओढला गेला, पट्ट्यात अडकून जीव गमावला

या अपघाताची माहिती मिळताच, आष्टा पोलिसांनी घटनास्थळी तातडीने धाव घेतली होती, तर अपघातामुळे आष्टा इस्लामपूर मार्गावरील वाहतूक काही काळ ठप्प झाली होती, पोलिसांनी तातडीने पंचनामा करत पुन्हा वाहतूक सुरळीत केली. सदर घटनेची नोंद ही आष्टा पोलीस ठाण्यामध्ये झाली असून अधिक तपास आष्टा पोलीस करत आहेत.
बूट घालून किचनमध्ये काय करतोस? महिलेने हटकताच धक्का देऊन पाडलं अन्… भरदुपारी भयंकर प्रकार
या घटनेमुळे सांगली जिल्ह्या तील कारंदवाडी गावामध्ये हळहळ व्यक्त करण्यात येत आहे, मृत विजय माने याच्या पश्चात्य पत्नी, लहान मुलगी, मुलगा आणि आई असा परिवार आहे.