nitesh rane vs ajit pawar, Ajit Pawar: तुमच्या पार्थला एका साध्या शिवसैनिकाने पाडलं, नितेश राणेंकडून अजित पवारांना चोख प्रत्युत्तर – nitesh rane hits back ncp leader ajit pawar over criticism about narayan rane shivsena exit

तसेच नारायण राणे यांच्यासोबत शिवसेनेतून बाहेर पडलेले सर्व आमदार पडले, हा दावाही नितेश राणे यांनी खोडून काढला. अजितदादा मोठे नेते आहेत. पण वाचल्या शिवाय जमतच नाही बघा. राष्ट्रवादी काँग्रेसच्या स्क्रिप्ट रायटरने त्यांना योग्य माहिती लिहून दिली पाहिजे. शाम सावंत यांचा अपवाद वगळता राणे साहेबांसोबत शिवसेनेतून बाहेर पडलेले सर्व आमदार परत निवडून आले. माहिती असू दे दादा, असेही नितेश राणे यांनी आपल्या ट्विटमध्ये म्हटले आहे.

अजित पवार नेमंक काय म्हणाले होते?

शिवसेनेतून फुटून बाहेर पडलेले लोक पुढे राजकारणात यशस्वी झाले नाहीत, हे सांगताना अजित पवार यांनी काही उदाहरणं दिली होती. छगन भुजबळ शिवसेनेतून १९ लोकांसह बाहेर पडले होते. त्यानंतर भुजबळ यांच्यासकट सगळं लोक पराभूत झाले. नारायण राणे यांनी शिवसेना फोडली. त्यांच्यासोबतचे पक्षातून बाहेर पडलेले सर्व आमदार पडले. स्वत: नारायण राणे दोनदा पडले. एकदा कोकणात, दुसऱ्यांदा मुंबईतील वांद्रे येथे उभे होते, तिथेही पडले. तिथे तर नारायण राणे यांना एका बाईने पाडलं, अशी बोचरी टीका अजित पवार यांनी केली होती.