परभणी : गंगाखेड रोडवरील सिंगणापूर फाट्यावर एका भरधाव हायवा टिपरने शुक्रवारी (२४ फेबुवारी) दुपारी वारा वाजेच्या सुमारास पादचार्‍यास धडक दिली. या अपघातात सदर अज्ञात व्यक्तीचा जागीच मृत्यू झाला आहे. घटनेची माहिती मिळतात घटनास्थळी दैठणा पोलिस ठाण्याचे पथक दाखल झाले असून मयतास जिल्हा रुग्णालयात दाखल करण्यात आले आहे.मागील काही दिवसापासून परभणी-गंगाखेड हा रस्ता अपघाताचा केंद्रबिंदू बनत चालला आहे. रस्त्याचे काम पूर्ण झाल्यामुळे दुचारी, कार आणि जडवाहने भरधाव वेगात धावत आहेत. आतापर्यंत या रस्त्याने अनेकांचा बळी घेतला असून अनेक जणांना अपंगत्वही आले आहे. आजही दुपारी रस्त्यावरुन चाललेल्या पादचाऱ्यास टिपरने मागून धडक दिल्याने त्याचा जागीच मृत्यू झाला. गाडी क्रमांक एम.एच. १४, डी.एम. ५५२३ या क्रमांकांचा हायवा टिपर डस्ट घेऊन परभणी शहराकडे येत होता. सिंगणापूर फाट्यावर या भरधाव टिपरने पादचार्‍यास धडक दिली. या अपघातात त्यांचा जागीच मृत्यू झाला. या घटनेची माहिती दैठणा पोलिस ठाणे कर्मचार्‍यांना मिळाल्यानंतर महामार्ग पोलिस ठाण्याचे पोउपनि. कुकडे, ठैठणा ठाण्याचे सपोउपनि. संजय वळसे, शाम काळे, मुळे, गीते, रसाळ आदी कर्मचार्‍यांनी घटनास्थळी घाव घेतली. मयत इसमास शवविच्छेदनासाठी जिल्हा रुग्णालयात दाखल करण्यात आले आहे. मात्र मयत इसमाची अजून ओळख पटली नाही.इतर दोन अपघातात तीन जण जखमी परभणी गंगाखेड रोडवरील शिंगणापूर पाटीवर टिपरने धडक दिल्यामुळे एका अनोळखी व्यक्तीचा मृत्यू झाल्यानंतर याच महामार्गावर रामपुरी पाटी जवळ झालेल्या एका अपघातामध्ये दोघेजण जखमी झाले आहेत तर सिंगणापूर पाटीवर झालेल्या दुसऱ्या अपघातामध्ये एक व्यक्ती जखमी झाला आहे. जखमींना उपचारासाठी रुग्णालयामध्ये दाखल करण्यात आले आहे. दरम्यान मागील काही दिवसापासून गंगाखेड परभणी महामार्ग हा मृत्यूचा सापळा बनला आहे. महामार्गाचे काम पूर्ण झाले असल्यामुळे वाहने वेगाने धावत असल्याने हे अपघात होत आहेत.
