वेलिंग्टन येथे सुरू असलेल्या कसोटीच्या पहिल्या दिवशी इंग्लंडने २१ धावांवर ३ विकेट गमावल्या होत्या. इंग्लंडची तिसरी विकेट टिम साऊदीने घेतली, त्याने बेन डकेटला बाद केले. यासह न्यूझीलंडकडून आंतरराष्ट्रीय क्रिकेटमध्ये ७०० विकेट घेणारा तो पहिला गोलंदाज ठरला. आंतरराष्ट्रीय क्रिकेटमध्ये ७००हून अधिक विकेट घेणारा साऊदी हा १५वा खेळाडू आहे.
Video: मोठा अपघात टळला, विमानतळावर आणीबाणी; एअर इंडियाच्या विमानाचे थरारक इमर्जन्सी लँडिंग
टिम साऊदीने बेन डकेटची घेतलेली विकेट देखील खास ठरली. डकेटचा कॅच मायकल ब्रेसवेलने स्लिपमध्ये घेतला. ब्रेसवेलने एका बाजूला डाइव्ह मारत एका हाताने कॅच घेतला. त्याने घेतलेले कॅच इतका अफलातून होता की त्याचा व्हिडिओ सोशल मीडियावर चर्चेत आला आहे.
क्रिकेटमध्ये सर्वाधिक विकेट घेण्याचा विक्रम श्रीलंकेच्या मुथय्या मुरलीधरनच्या नावावर आहे. त्याने आंतरराष्ट्रीय क्रिकेटमध्ये १ हजार ३४७ विकेट घेतल्या आहेत. तर दुसऱ्या क्रमांकावर शेन वॉर्न असून त्याच्या नावावर १ हजार १ विकेट आहेत. या यादीत तिसऱ्या स्थानावर इंग्लंडचा जेम्स अॅडरसन आहे, त्याने आतापर्यंत ९६९ विकेट घेतल्या आहेत. ९५६ विकेटसह भारताचा माजी कर्णधार आणि फिरकीपटू अनिल कुंबळे चौथ्या तर ऑस्ट्रेलियाचा माजी जलद गोलंदाज ग्लेन मॅकग्रा ९४९ विकेटसह पाचव्या स्थानावर आहे.
INDW vs AUSW: सेमीफायनल आणि रनआऊट… हरमनसोबत झाली धोनीच्या बॅड लकची पुनरावृत्ती, पाहा VIDEO
दोन्ही संघातील पहिल्या कसोटी सामन्यात इंग्लंडने २६७ धावांनी दणदणीत विजय मिळवला होता. अर्थात हे दोन्ही संघ आयसीसीच्या वर्ल्ड टेस्ट चॅम्पियनशिपच्या अंतिम फेरीच्या शर्यतीतून याआधीच बाहेर पडले आहेत.
