pune marriage story, सायलीचे म्हणणे नेहमी बरोबरच असेल…! नवदाम्पत्याचा सहा अटींचा करारनामा…! पुण्यात हटके विवाह सोहळा – pune ambegaon krishna lambe and sayali tajane marriage story goes viral due to contract of marriage

पुणे: लग्न हा प्रत्येकाच्या आयुष्यातील सुखाचा क्षण असतो. लग्न कुठलेही असो मग ते लव्ह मॅरेज असो किंवा अरेंज मॅरेज असो, अनेक लग्न सोहळे आपण पाहिले असतील. मात्र, एका हटके लग्न सोहळ्याची सध्या चर्चा सुरू आहे. पुणे जिल्ह्यातील आंबेगाव तालुक्यात हा सोहळा पार पडला आहे. यात विशेष म्हणजे नवरदेव आणि नवरीने एकमेकांसमोर सहा वेगवेगळ्या अटी ठेवल्या होत्या. त्यामुळे सर्वानाच या लग्न सोहळ्याचे कौतुक वाटले.

लग्नानंतर मुलगा आणि मुलगी या दोघांचेही नवीन आयुष्याची सुरुवात असते. यात दोघेही आपल्या संसाराविषयी स्वप्न पाहत असतात. लग्नानंतर दोघांनीही एकमेकांना तेवढंच समजून घेणे महत्त्वाचे असते. जसा काळ बदलत आहे तशी लग्न करण्याची पद्धत देखील बदलत चालली आहे. त्यातील एक बदल म्हणजे पुणे जिल्ह्यात पार पडलेला विवाह सोहळा होय.

लाखोंच्या कापसासह ट्रक चोरांनी पळवला, शेतकऱ्यासाठी पोलिसांची ६ पथकं कामाला लागली, एक टीप मिळताच मोहीम फत्ते
आंबेगाव तालुक्यातील गावडेवाडी येथील कृष्णा लंबे आणि जुन्नर तालुक्यातील सायली ताजने यांचा मंचर येथे विवाह सोहळा पार पडला. मात्र, हा लग्न सोहळा पडताना एक करार करण्यात आला. या करारामध्ये सहा प्रश्न ठेवण्यात आले होते. ते मान्य झाल्यानंतर हा विवाह पार पडला. विशेष म्हणजे या करारनाम्यवर साक्षीदार म्हणून त्यांच्या मित्र आणि मैत्रिणींनी सह्या देखील केल्या आहेत. लग्नाच्या बंधनात अडकताना नवदाम्पत्यानं एकमेकांच्या अटी करारनाम्यात ठेवल्या होत्या. त्यानंतर त्यांनी हा विवाह केला आहे. या विवाह सोहळ्याची राज्यभर चर्चा रंगू लागली आहे.

Shiv Thakare Meets Raj Thackeray: शिव ठाकरे पोहोचला ‘शिवतीर्थ’वर; ‘राज’भेटीचे कारण गुलदस्त्यात
“लग्नाचा करारनामा”

* कृष्णा : सायलीचे म्हणणे नेहमी बरोबरचं असेल…!

* सायली : मी कृष्णाकडे शॉपिंगसाठी हट्ट धरणार नाही…!

* सायली : मी कृष्णाला मित्रांबरोबर फिरायला, पार्टीला जायला आडवणार नाही. (महिन्यातून दोन वेळा)

* कृष्णा : मी सायलीची आणि आई वडिलांची ही सेवा करेल…!

* सायली : मी कृष्णाचे मित्र घरी आल्यानंतर त्यांच्यासाठी स्वतःच्या हाताने जेवण बनवेल…!

* आमच्यात वादविवाद झाले तरी ते आमचे आम्ही एक दिवसात मिटवू.

या सहा अटींवर या दाम्पत्यानं एकमेकांशी लग्न करण्याचा निर्णय घेतला. या विवाह सोहळ्याची सोशल मीडियावर सध्या जोरदार चर्चा सुरु आहे. सहा अटी आणि त्यानंतर झालेला हा विवाह सोहळा सद्या चर्चेचा विषय ठरत आहे.

शाळकरी विद्यार्थ्यांची व्हॅन भररस्त्यात पेटली; चालकाच्या प्रसंगावधानाने अनर्थ टळला; आगीचा थराराक VIDEO