सहा डिसेंबर रोजी सचिनने वीणा यांची हत्या केली होती. सचिन याने बेसबॉलच्या बॅटने त्याच्या आईवर हल्ला केला होता. हा सर्व प्रकार सीसीटीव्हीमध्ये कैद झाला आहे. वीणा त्यांच्या बेडरुममध्ये असताना सचिनने त्यांच्याकडून मोबाईल हिसकावून घेतला आणि त्यांच्यावर बॅटने वार केला. त्यामुळं त्यांचा जागीच मृत्यू झाला. त्यानंतर मृतदहे एका बॉक्समध्ये भरुन तो नेरळ-माथेरान रोडवरील ३० फूट दरीत फेकून दिला, असंही आरोपपत्रात नमूद केलं आहे.
मुलापासून जिवाला धोका; जुहूतील महिलेने मृत्यूपूर्वी कोर्टात मागितली होती दाद, पण…
सचिनच्या या गुन्ह्यात त्याचा घरातील नोकर लालूकुमार मंडल यांनेही त्याला मदत केली होती. वीणांच्या हत्येनंतर लालुकुमारने बेडरुममध्ये लावलेले १० सीसीटीव्ही कॅमेरे आणि डिव्हाईस काढून टाकले होते. त्यानंतर जिथे हत्या झाली तो घराची साफसफाईदेखील केली होती. व संध्याकाळी तो पनवेल येथे सचिनला भेटला. त्यानंतर दोघे तिथून माथेरान-नेरळला गेले व मृतदेह ३० फूट खोल दरीत फेकून दिला.
पोलिसांनी आरोपपत्रात म्हटल्याप्रमाणे, हत्येचे कारण क्षुल्लक होतं. सीसीटीव्ही कॅमेऱ्यात ठोस पुरावेही आहेत. यात सचिनने वीणा यांच्यावर हल्ला करता स्पष्टपणे दिसत आहे. तर, बेडरुमच्या दारामागे असलेल्या बॅटवर रक्ताचे डागही सापडले आहे. हे सर्व पुरावे सचिन विरोधात आहेत, असं आरोपपत्रात म्हटलं आहे. तसंच, पोलिसांनी या प्रकरणात ४१ साक्षीदारांचे जबाब नोंदवले आहेत. फॉरेन्सिक आणि शवविच्छेदनाचा अहवाल, बेसबॉल बॅट, वीणा यांचा मोठा मुलगा नेविन यांचा जबाब, टोल कर्मचाऱ्यांचा चबाब, सचिनच्या कारचे नमुने, माथेरानला जाणाऱ्या टोलनाक्याजवळीच सीसीटीव्ही फुटेज हे देखील पोलिसांनी कोर्टात सादर केले आहे.
आई फोन उचलेना, मोठ्या मुलाची अमेरिकेतून शोधाशोध, शेवटी माथेरानच्या डोंगरात गूढ उकललं
नक्की काय घडलं?
सचिन आणि वीणा कपूर दोघंही एकाच फ्लॅटमध्ये राहत होते. मात्र, दोघांमध्ये बऱ्याच काळापासून वाद सुरू होता. ६ डिसेंबर रोजी सचिनने त्यांचा नोकर मंडल यांला बोलावण्यासाठी बेल वाजवली. पण तरीही तो आला नाही म्हणून त्याने दुसऱ्यांदा बेल वाजवली. त्यामुळं वीणा कपूर यांनी बेल बंद केली. त्यानंतर रागाच्या भरात तो वीणा यांच्या खोलीत गेला व त्यांच्यावर हल्ला केला. या हल्ल्यात त्या जागीच ठार झाल्या. सचिनने केलेल्या दाव्यानुसार, वीणा यांना सचिनला घराबाहेर काढायचे होते. त्यासाठी त्या प्रयत्न करत होत्या तसा इशाराही त्यांनी दिला होता. तसंच, त्याला त्रास देण्यासाठी त्या वीज आणि बेल बंदही करुन ठेवत होत्या, असा आरोप त्याने केला आहे.
घटना उघडकीस कशी आली
वीणा कपूर यांचा मोठा मुलगा नेविन हा अमेरिकेत असतो. ६ डिसेंबर रोजी त्याने आईला फोन केला मात्र त्यांच्याशी संपर्क होऊ शकला नाही. अखेर नेविनने सोसायटीच्या सुरक्षा रक्षकाला फोन करुन वीणासोबत बोलणं करुन देण्यास सांगितले. मात्र, सुरक्षा रक्षक जेव्हा त्यांच्या घरी गेला तेव्हा कोणीही दार उघडले नाही. संशय आल्याने त्याने पोलिसांना बोलवून दार तोडले तेव्हा बेडरुममध्ये वीणा यांचे दोन्ही मोबाइल पडले होते. तर, घरात तिघांपैकी कोणीही नव्हते. ठाणे-डोंबिवली प्रवासाचा वेळ कमी होणार, माणकोली पुलाबाबत आली मोठी अपडेट
दरम्यान, पोलिसांनी सर्व पुरावे गोळा करत सचिनचा माग काढत त्याला अटक केली आहे. सध्या सचिन आणि त्याचा साथीदार मंडल दोघेही तुरुगांत आहेत.
