तुमची LIC पॉलिसी सरेंडर करायची आहे, आधी जाणून घ्या काय आहे अट; नियमानुसार किती रुपये मिळतील – lic policy guidelines and rules of money withdrawal if you plan to surrender your policy

नवी दिल्ली : बाजारात गुंतवणुकीचे अनेक पर्याय आहेत, पण भारतीय आयुर्विमा महामंडळात (एलआयसी) गुंतवणूक देशातील लाखो गुंतवणूकदारांमध्ये सर्वात विश्वसनीय मानला जातो. यामध्ये तुम्हाला फक्त लाइफ इन्शुरन्स कव्हरची सुविधाही मिळत नाही तर तुमची बचतही होत राहते. जर तुम्हाला अचानक पैशाची गरज भासल्यास ही बचत तुमच्या वाईट काळात कामी येते. जर तुम्ही एलआयसी पॉलिसीमध्ये गुंतवणूक करत असाल, तर तुमच्याकडे तुमच्या पैशाची गरज पूर्ण करण्यासाठी ती पॉलिसी सरेंडर करण्याचा पर्याय आहे. पण त्यापूर्वी यासंबंधीचे नियम आणि अटी जाणून घेणे आवश्यक आहे.

LIC चा मोठा निर्णय! १० कंपन्यांचे कोट्यवधींचे शेअर्स खरेदी केले, तुमच्याकडे आहेत का चेक करा लिस्ट
पॉलिसी कधी सरेंडर करू शकता?
एलआयसीच्या नियमांनुसार जर तुम्हाला पॉलिसी मुदतीपूर्वी बंद करायची असेल, तर त्याला पॉलिसी सरेंडर करणे असे म्हणतात. अशा स्थितीत तुम्हाला समर्पण मूल्य मिळते म्हणजे जर तुम्हाला पॉलिसी बंद करायची असेल किंवा LIC मधून पैसे काढायचे असतील तर तुम्हाला त्याच्या किमतीएवढी रक्कम मिळते. ह्याला समर्पण मूल्य असे म्हणतात. पण लक्षात घ्या की जर तुम्ही संपूर्ण तीन वर्षांसाठी LIC चा प्रीमियम भरला असेल, तरच तुम्ही पॉलिसी सरेंडर करू शकता.

एकदाच प्रीमियम भरा आणि चिंता सोडा… दरमहा मिळेल लाखोंची पेन्शन, फटाफट जाणून घ्या
किती पैसा परत मिळणार?
मुदतीपूर्वी एलआयसीची पॉलिसी बंद केल्यास पॉलिसीधारकांचे भरपूर नुकसान होते. तसेच त्याचे मूल्यही कमी होते. जर तुमची पॉलिसी नियमित असेल, तर तुमचे मूल्य तीन वर्षांसाठी भरलेल्या प्रीमियमच्या आधारावर मोजले जाईल. तुम्ही ३ वर्षापूर्वी पॉलिसी सरेंडर केल्यास तुम्हाला कोणतेही मूल्य मिळणार नाही.

२ कोटींचा विमा मिळवण्यासाठी महिलेचा जुगाड; मुलाचा मृत्यू दाखला दिला, पण एका चुकीने बिंग फुटले
प्रीमियमच्या ३०% परत मिळेल
जर तुम्ही पॉलिसीत तीन वर्षासाठी प्रीमियम भरला असेल तर तुम्ही सरेंडर व्हॅल्यूसाठी पात्र आहात. नाहीतर तुम्हाला मागील वर्षाचा एक प्रीमियम वगळून भरलेल्या प्रीमियमपैकी फक्त ३०% परत मिळेल. म्हणजे पहिल्या वर्षी तुम्ही भरलेला प्रीमियम देखील शून्य मानला जाईल.

कोणत्या दस्तऐवजची गरज
एलआयसी पॉलिसीचे बाँड डॉक्युमेंट, सरेंडर व्हॅल्यू भरण्याची विनंती, एलआयसी सरेंडर फॉर्म- फॉर्म ५०७४, एलआयसी एनईएफटी फॉर्म, तुमचे बँक खाते तपशील, मूळ ID पुरावा जसे की आधार कार्ड, पॅन कार्ड किंवा ड्रायव्हिंग लायसन्स, रद्द केलेला बँक चेक यासह एलआयसी पॉलिसी बदल करण्याचे कारण लेखी जमा करावे लागेल.