दोघांत तिसरा आला अन् जीव गेला; ट्रेनमधील बॉडीचं गूढ ९ दिवसांनी उकलले; पेटीमुळे आरोपी अडकले
केरळच्या लॉटरी इतिहासातील सर्वात मोठे विजेते अशी अनुप यांची ओळख आहे. काही आठवड्यांपूर्वी ते इकडे तिकडे फिरत होते. लोकांपासून शक्य तितके दूर पळत होते. आर्थिक मदत मागण्यास येणाऱ्यांना टाळण्याचं कसब त्यांनी शिकून घेतलं आहे. लॉटरी लागल्यानंतर अनुप यांनी सातत्यानं त्यांचा पत्ता बदलला. ते सतत मुक्कामाचं ठिकाण बदलत राहिले. घराला गरजूंचा गराडा पडू नये यासाठी त्यांनी बरेच प्रयत्न केले.
आता परिस्थिती बदलली आहे. अनुप यांची गाडी रुळावर आली आहे. अनुप यांच्या हातात सोन्याचं मोठं ब्रेसलेट, गळ्यात सोन्याची चेन आहे. मात्र आजही आपल्याला अनेकांची पत्र येतात, खूप जण आर्थिक मदतीची मागण करतात, असं म्हणत अनुप यांनी त्यांना आलेलं पत्राचं बंडल काढून दाखवलं. आजही काही जण दुकानात येऊन करतात. मी प्रयत्न करतो, असं अनुप यांनी सांगितलं.मला शोधू नका! राज्य सरकारनं इस्रायलाला पाठवलेला शेतकरी अचानक बेपत्ता; अखेर कारण समोर
पाच महिन्यांपूर्वी कोट्याधीश झालेले अनुप आता केरळ सरकारच्या लॉटरी व्यवसायाचा चेहरा झाले आहेत. केरळ सरकारचा लॉटरी व्यवसाय आता दररोज एकाला कोट्याधीश करत आहे. केरळ लॉटरी विभागात एक लाखाहून अधिक अधिकृत एजंट आहेत. त्यांच्या खाली अनेक उपएजंट आणि फेरीवाले आहेत. या माध्यमातून राज्यातील लाखो लोकांना रोजगार मिळतो.
