काळजी घ्या…'या' वयोगटातील मुलांकडून करोनाचा अधिक धोका!

वॉशिंग्टन: करोनाच्या संसर्गाने जगभरात थैमान घातले असताना करोनाच्या विषाणूवर संशोधन सुरू आहे. नुकत्याच केलेल्या संशोधनातील निष्कर्ष हे काळजी वाढवणारे आहेत. पाच वर्षाखालील बालके हे इतर वयोगटातील बालके, वयस्कर नागरिकांच्या तुलनेत करोना व्हायरसचे मोठे वाहक ठरू शकतात. या वयोगटातील बालकांमध्ये करोना विषाणूची जेनेटिक मटेरियल १० ते १०० पटीने अधिक असतात.

JAMA पीडियाट्रिक्सने केलेल्या संशोधनात ही बाब समोर आली आहे. अमेरिकन राष्ट्राध्यक्ष डोनाल्ड ट्रम्प हे नर्सरी आणि शाळा सुरू करण्यासाठी आग्रही असतानाच हा संशोधन अहवाल समोर आला आहे. २३ मार्च ते २७ एप्रिल दरम्यान शिकागो येथील रुग्णांची नोजल स्वॅबच्या आधारे हे संशोधन करण्यात आले. या बाधितांमध्ये एक आठवड्यांपासून करोनाची लक्षणे होती. करोनाबाधितांची तीन गटात विभागणी करण्यात आली. यामध्ये पाच वर्षाखालील बालके ४६ होती. तर, ५१ बालकांचे वय हे ५ ते १७ वर्षादरम्यान होते. १८ ते ६५ या वयोगटातील ४८ करोनाबाधित होते.

वाचा:
एन अॅण्ड रॉबर्ट एच लुरी चिल्ड्रेन हॉस्पिटलचे डॉक्टर टेलर हिल्ड सर्जेंट यांच्या नेतृत्वात संशोधन करण्यात आले. लहान मुलांच्या श्वसननलिकेत SARS-CoV-2 च्या विषाणूचे प्रमाण १० ते १०० पटीने अधिक होते. त्याशिवाय, जेनेटिक मटेरियलच प्रमाणचे जेवढे अधिक असेल तेवढाचा फैलावण्याचा धोका अधिक असतो.

लहान मुले हे करोना संसर्गाचे महत्त्वपूर्ण वाहक आहेत. याआधी लहान मुले करोनाच्या आजाराने गंभीर आजारी होतात आणि त्यांना संक्रमणाचा धोका नसतो, असेही काही संशोधनात आढळले होते. मात्र, या संशोधनातील दावा त्याच्या अगदी उलट आहे. त्याशिवाय या संशोधनाची अधिक चिकित्सा झालेली नाही.

वाचा:

दक्षिण कोरियातील नुकत्याच एका संशोधनानुसार, १० ते १९ या वयोगटातील मुलांनी घरात करोनाचा संसर्ग फैलावला असल्याचा दावा करण्यात आला होता. मात्र, ९ वर्षाखालील बालकांनी कमी प्रमाणात करोनाचा संसर्ग फैलावला असल्याचे या संशोधनात नमूद करण्यात आले होते.

वाचा:

दरम्यान, नव्या अभ्यासानुसार, करोनाची दुसऱ्यांदा बाधा होण्याची शक्यता कमीच असल्याचे शास्त्रज्ञांनी म्हटले आहे. करोनाबाधा दोन वेळा होऊ शकते का, या प्रश्नाचे उत्तर शास्त्रज्ञ खात्रीपूर्वक देऊ शकत नसले तरी अशी शक्यता जवळपास नसल्याचे संशोधकांचे म्हणणे आहे. अमेरिकेतील काही विद्यापीठात याबाबत संशोधन झाले आहे. एकदा करोनाची बाधा झाल्यावर त्या संसर्गासाठी काही प्रमाणात प्रतिकारशक्ती निर्माण होत असली, तरी ती किती काळ टिकेल, याबाबत साशंकता आहे. करोनामुक्त झालेले रुग्ण काही आठवड्यांनंतर पुन्हा पॉझिटिव्ह आल्याच्या काही घटना नोंदवण्यात आल्या आहेत. पूर्वीच्या संसर्गाचे काही अवशेष या चाचण्यामध्ये आढळत असतील. त्यामुळेच त्यांची चाचणी पॉझिटिव्ह असल्याचे समोर येत असावी. त्याशिवाय अनेकदा करोनाची बाधा झाली असल्याचे सांगणारी चाचणी चुकीचे असल्याचे आढळले आहे. या अशा प्रकरणांमध्येही चाचणी चुकीच्या प्रकारे आढळत असेल असे म्हटले जाते.