VIDEO: चिमुकली खेळत होती, कारच्या चाकाखाली आल्यानं चिरडून अंत; चालक तिचाच काका निघाला
कोंबडा पाहून बिबट्या पिंजऱ्यात येईल आणि आयताच सापडेल असा ग्रामस्थ आणि अधिकाऱ्यांचा अंदाज होता. मात्र दुसऱ्या दिवशी या पिंजऱ्यात बिबट्या नव्हे, तर एक ग्रामस्थ सापडला. कोंबडा चोरणाच्या हेतूनं ग्रामस्थ पिंजऱ्यात शिरला आणि संपूर्ण रात्र तिथेच अडकून पडला. सकाळ होताच ग्रामस्थांना ही बाब समजली. उपस्थितांपैकी अनेकांनी ग्रामस्थाचा व्हिडीओ काढला. त्यानंतर हा व्हिडीओ सोशल मीडियावर व्हायरल झाला. वन विभागाच्या पथकानं घटनास्थळी पोहोचून आत अडकलेल्या ग्रामस्थाला बाहेर काढलं.
कोंबडा चोरण्यासाठी गेलेला चोर रात्रभर पिंजऱ्यात अडकून पडला. सकाळ होताच तो अनेकांच्या दृष्टीस पडला. बिबट्याला पकडण्यासाठी लावलेल्या पिंजऱ्यात ग्रामस्थ काय करतोय, असा प्रश्न सगळ्यांनाच पडला. काही वेळातच त्यांना या प्रश्नाचं उत्तर मिळालं. त्यानंतर उपस्थितांमध्ये एकच हशा पिकला. रात्रभर पिंजऱ्यात अडकल्यानं चोराची अवस्था बिकट झाली होती. या कोंबडीचोराचा व्हिडीओ सध्या सोशल मीडियावर तुफान व्हायरल झाला आहे.
