या प्रकरणी मांदाड कोळीवाडा परिसरातील संशयित आरोपी पांडुरंग लक्ष्मण मानकर (वय ५०) याला तळा पोलिसांनी काही वेळातच ताब्यात घेतलं. शनिवारी २५ फेब्रुवारी रोजी सकाळच्या सुमारास ही भयंकर घटना घडली आहे.
ठाकरेंनी महाराष्ट्र बदलला? मला माहिती नाही!; देवेंद्र फडणवीसांचा खोचक टोला
एका मच्छिमार विवाहित महिलेची दिवसाढवळ्या हत्या करण्यात आली. आरोपीने क्रूरतेच्या सर्व परिसीमा पार केल्या आहेत. आरोपीने मयत महिलेचे डोळे फोडले तर तिच्या चेहऱ्यावर आघात करून चेहरा विद्रुप केला. या थरारक घटनेने तळा परिसरात प्रचंड भीतीचे वातावरण पसरले आहे. मांदाड कोळीवाड्यात राहणाऱ्या विठा लक्ष्मण पाटील (वय ५५) या मच्छी विक्रीचे काम करायच्या. त्यांचा रक्ताच्या थारोळ्यात पडलेला विद्रुप मृतदेह दिनांक २५ फेब्रुवारी रोजी सकाळी १० वाजताच्या सुमारास आढळला.
विठा यांचे डोळे काढण्यात आले होते तर कपाळ, मान, चेहऱ्यावर गंभीर दुखापती करण्यात आल्या होत्या. विठा लक्ष्मण पाटील या घरी एकट्याच राहत होत्या. त्या मासे विकून आपला उदयनिर्वाह करत होत्या. ही महिला बाजारात मासे विकत असताना या महिलेची संशयित लक्ष्मण मानकर यांच्याशी वादावादी झाली आणि याच रागातून या महिलेकडे मासे साफ करण्यासाठी असलेल्या कोयत्याने तिची अत्यंत क्रूरपणे हत्या करण्यात आली, अशी माहिती पोलीस तपासात समोर आली आहे.
पोलिसांनी पूर्व वैमनस्यातून किंवा मासे विक्रीच्या वादातून हा हत्याकांड झाल्याचा अंदाज व्यक्त केला होता. पोलिसांनी तपासाची सूत्रे वेगाने फिरवत त्याच गावातील संशयित आरोपी पांडूरंग लक्ष्मण मानकर याला शिताफीने ताब्यात घेतलं आहे. या हत्याकांडाचं वृत्त कळताच तळा पोलिसांनी घटनास्थळी धाव घेतली. पुढील तपास प्रभारी उपविभागीय पोलीस अधिकारी सुर्यवंशी यांच्या मार्गदर्शनाखाली सुरु आहे.
LIVE: कसब्यात भाजपची प्रतिष्ठा पणाला, चिंचवडमध्ये तिरंगी लढत, किती टक्के मतदान होणार?
Ratnagiri News Marathi | रत्नागिरी बातम्या | Ratnagiri Local News
