Chinchwad Bypoll in Pune | चिंचवड पोटनिवडणुकीसाठी आज सकाळी सात वाजल्यापासून मतदानाला सुरुवात झाली. नाना काटे आणि अश्विनी जगताप यांनी सकाळीच मतदानाचा हक्क बजावला.
हायलाइट्स:
- लक्ष्मण जगतापांच्या आठवणीने अश्विनी जगताप भावूक
- दरवेळी साहेब असायचे, मी त्यांना मतदान करायचे
- पण आज स्वत:ला मत देतेय
यावेळी अश्विनी जगताप यांनी चिंचवडमधील मतदारांना मतदानासाठी घराबाहेर पडण्याचे आवाहनही केले. मतदान हा तुमचा सार्वभौम हक्क आहे, ते तुम्ही बजावला पाहिजे, असे अश्विनी जगताप यांनी म्हटले. तसेच चिंचवडमध्ये माझा १०० टक्के विजय होईल, असा विश्वासही त्यांनी व्यक्त केला. मतदारांचा साहेबांवर जितका विश्वास होता, तितकाच विश्वास माझ्यावरही आहे, तो तसूभरही कमी झालेला नाही, असा दावा जगताप यांनी केला. तसेच चिंचवड पोटनिवडणुकीत भाजपकडून सहानुभूतीच्या मुद्द्यावर प्रचार करण्यात आल्याची टीकाही अश्विनी जगताप यांनी फेटाळून लावली. मी या पोटनिवडणुकीत विकासाचा मुद्दाही उचलून धरला होता. पण लक्ष्मण जगताप यांना मानणारा मोठा वर्ग आहे. त्यामुळे थोडाफार सहानुभूतीचा फॅक्टर असणारच, असे अश्विनी जगताप यांनी म्हटले.
कसब्यात मतदानाच्या आदल्या रात्री ड्रामा, पैसे वाटपावरुन महिलेला मारहाण, भाजप समर्थकांवर गुन्हा दाखलचिंचवड पोटनिवडणुकीचा निकाल येत्या २ मार्चला जाहीर होणार आहे. चिंचवडमध्ये भाजपच्या अश्विनी जगताप Vs मविआचे नाना काटे Vs अपक्ष उमेदवार राहुल कलाटे अशी तिरंगी लढत पाहायला मिळणार आहे. वंचित बहुजन आघाडीने राहुल कलाटे यांना पाठिंबा दिल्याने मविआच्या मतांमध्ये फूट पडण्याची शक्यता आहे. ही बाब अश्विनी जगताप यांच्या पथ्यावर पडू शकते. चिंचवड विधानसभा मतदारसंघात एकूण पाच लाख ६८ हजार ९५४ मतदार असून, ५१० केंद्रांवर मतदान होणार आहे. किती मतदार मतदानासाठी बाहेर पडणार, यावर बऱ्याच गोष्टी अवलंबून आहेत. भाजप आणि महाविकास आघाडी यांच्याकडून ही निवडणूक अत्यंत प्रतिष्ठेची करण्यात आली होती. दोन्ही बाजूंनी स्टार प्रचारक आणि कार्यकर्त्यांची फौज प्रचारासाठी मैदानात उतरवण्यात आली होती. त्यामुळे चिंचवडचा निकाल कोणाच्या बाजूने लागणार, याची उत्सुकता राजकीय वर्तुळाला लागली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
