rajasthan wedding, बाबो! २ किलो सोनं, १०० किलो चांदी; बापाकडून लेकीची पाठवणी; गिफ्टची यादी पाहून अवाक् व्हाल – rajasthan businessman gave silver sofa bed and crores of goods at his daughter wedding

जयपूर: राजस्थानात सध्या एका लग्नाची सर्वत्र चर्चा आहे. एका व्यावसायिकानं मुलीला लग्नात २ किलो सोनं आणि १०० किलो चांदीचे दागिने आणि वस्तू भेट म्हणून दिल्या आहेत. यामध्ये चांदीची भांडी, चांदीचा पलंग, सोफा-सेट आणि डायनिंग टेबलचा समावेश आहे. इतकंच नव्हे, तर उद्योगपती पित्यानं लेकीला कोट्यवधींच्या अन्य वस्तूही दिल्या आहेत. त्यामुळे या लग्नाची सर्वत्र चर्चा आहे.

पालीच्या जैतारणमधील मोहराई गावातील महेंद्र सिंह सेवड यांची मुलगी वंशिकाचं लग्न झालं. नवरदेव कुलदीप सिंह जागरवालदेखील उद्योगपती आहे. तो भैसाणा गावचा रहिवासी आहे. मोहराईपासून ५ किलोमीटर अंतरावर असलेल्या एका रिसॉर्टमध्ये वऱ्हाडींच्या राहण्याची व्यवस्था करण्यात आली होती.
महिलेनं रडण्याचा आवाज ऐकला; विहिरीत तान्हुला सापडला; दत्तक घ्यायला लाईन लागली; कारण काय?
उद्योगपती महेंद्र सिंह यांनी वंशिकाला २ किलो सोन्याचे दागिने, १०० किलो चांदीचे दागिने, फर्निचर, भांडी, एसयूव्ही कार, बंगला भेट म्हणून दिला. चांदीची भांडी, चांदीचा पलंग सोफा सेट आणि डायनिंग टेबलही लेकीला वडिलांनी भेट म्हणून दिला. यासोबतच सोन्याचे ३ किलो अन्य दागिनेही दिले. शिवाय एक एसयूव्ही-७०० कार, स्कूटी, बंगळुरूत १२ हजार चौरस फुटांचा कारखाना, ३० बाय ४० चा प्लॉट, पाली हाऊसिंग बोर्डात जमीन आणि १ कोटी ८ लाखांची एफडीदेखील दिली.