काही चिंतांमुळे पगारवाढ गुंतागुंतीची
वाढती आर्थिक अनिश्चितता आणि आर्थिक अस्थिरतेच्या चिंतांमुळे या वर्षी पगारवाढीचे नियोजन अधिक गुंतागुंतीचे झाले आहे. भारतीय कंपन्यांनी गेली दोन वर्षे चांगली पगारवाढ दिली. यामुळे काही कंपन्यांवर कर्मचाऱ्यांच्या वाढत्या पगारांमुळे आर्थिक ताण आला आहे. त्याचा कंपन्या सामना करत आहेत. २०२० आणि २०२१ मध्ये करोना संकटामुळे अनेक कंपन्यांनी पगारवाढ केली नव्हती, अशी माहिती एऑन ह्युमन कॅपिटल सोल्यूशन्सचे (भारत) रुपक चौधरी यांनी एका मुलाखतीत ही माहिती दिली.
४६ टक्के कंपन्या डबल डिजिट पगारवाढीसाठी तयार
जवळपास ४६ टक्के भारतीय कंपन्या डबल डिजिट पगारवाढ देण्यासाठी तयार आहेत. २०२२ मध्ये कंपन्यांनी सरासरी १०.६ टक्के पगारवाढ केली होती, असे एऑनने आपल्या अभ्यासात म्हटले आहे. ४०हून अधिक उद्योगातील १४०० कंपन्यांच्या आकड्यांचे विश्लेषण या अभ्यासात करण्यात आले आहे. टॉक्नॉलॉजी प्लॅफॉर्म आणि उत्पादनाशी संबंधित कंपन्या या वर्षी सरासरी १०.९ टक्के पगारवाढ करतील. हुशार कर्मचाऱ्यांनी कंपनी सोडून जाऊ नये, यावर कंपन्यांचा भर असल्याचे एऑनच्या अभ्यासात म्हटले आहे.
करदात्यांनो, तुमचे पॅन कार्ड ॲक्टिव्ह आहे का? तपासण्यासाठी फॉलो करा ही सोपी प्रोसेस
फ्लिपकार्टमधील ३० टक्के कर्मचाऱ्यांची पगारवाढ नाही
एकीकडे पगारवाढीची गुड न्यूज असताना दुसरीकडे पगारवाढ न करण्याचेही वृत्त समोर आले आहे. फ्लिपकार्ट कंपनीतील उच्चपदावरील ३० टक्के कर्मचाऱ्यांच्या वेतना वाढ करणार नाही. कंपनीची विद्यमान आर्थिक स्थिती पाहता हा निर्णय घेण्यात आला आहे. या निर्णयाचा ४५०० कर्मचाऱ्यांना फटका बसणार आहे. कंपनीतील वरिष्ठ कर्मचारी म्हणजे ग्रेड १० आणि त्यावरील उच्चपदावरील कर्मचाऱ्यांची पगारवाढ करणार नाही.Success Story: उधारीच्या पैशांनी कंपनीचा पाया घातला, आज FMCG क्षेत्रात धुमाकूळ घालतेय
