सुशांतसिंह प्रकरणात ईडीने हस्तक्षेप करावा- फडणवीस

नागपूर: ‘ याच्या आत्महत्येच्या प्रकरणात मनी लाँड्रिंगचाही एक अँगल समोर आलाय. सुशांतच्या बँक खात्यातील कोट्यवधी रुपये वळवण्यात आल्याचं उघड झालंय. अशा परिस्थितीत सक्तवसुली संचालनालय (ईडी) हस्तक्षेप करू शकते. ईडीनं या प्रकरणी ईसीआयआर दाखल करावा,’ अशी मागणी विरोधी पक्षनेते यांनी केली आहे.

सुशांतसिंहच्या आत्महत्येला महिना उलटून गेला असला तरी या प्रकरणात रोज नवनवी माहिती समोर येत आहे. या प्रकरणाची मुंबई पोलिसांकडून अद्याप चौकशी सुरू आहे. या प्रकरणी सर्व बाजू तपासल्या जातील, असं गृहमंत्री यांनी स्पष्ट केलं आहे. मात्र, चौकशीची मागणी दिवसेंदिवस जोर धरत आहेत. सुशांतची मैत्रीण रिया चक्रवर्ती हिच्यावर सुशांतला फसवल्याचा आरोप झाला आहे. सुशांतच्या खात्यातून तब्बल १५ कोटींची रक्कम गायब आहे, असंही तपासात पुढं आलं आहे. हे सगळ्या घडामोडींमुळं या प्रकरणाची गुंतागुंत वाढली आहे. राजकीय पातळीवरही याची दखल घेतली गेली आहे. काही दिवसांपूर्वी उपमुख्यमंत्री अजित पवार यांचे सुपुत्र पार्थ यांनी गृहमंत्र्यांना पत्र देऊन सीबीआय चौकशीची मागणी केली होती. त्यानंतर आता भाजपनंही या प्रकरणात लक्ष घातलं आहे.

देवेंद्र फडणवीस यांनी या प्रकरणी ईडीच्या हस्तक्षेपाची मागणी केली आहे. ‘सुशांतच्या मृत्यूच्या बाबतीत एक मोठा जनआक्रोश आहे. काहीतरी लपवलं जातंय असं लोकांना वाटतंय. वेगवेगळे खुलासे येताहेत. सातत्यानं मागणी होऊनही सरकार सीबीआय चौकशीला नकार देत आहे. मात्र, आता यात आर्थिक बाजू समोर आली आहे. ही बाब ईडीच्या कार्यकक्षेत येते. त्यामुळं ईडीने ईसीआयआर (Enforcement Case Investigation Report) दाखल करावा, अशी मागणी फडणवीस यांनी केली आहे.

सुशांतसिंह यानं १४ जून रोजी आपल्या राहत्या घरात गळफास लावून आत्महत्या केली होती. हिंदी सिनेसृष्टीत यशाच्या शिखरावर असलेल्या सुशांतनं हे टोकाचं पाऊल उचलल्यामुळं सगळ्यांनाच धक्का बसला होता. सुशांतची आत्महत्या नसून हत्या आहे. त्याला आत्महत्येसाठी प्रवृत्त केलं गेलं आहे, असे आरोप पहिल्या दिवसापासून सुरू आहेत. सुरुवातीला बॉलिवूडमधील घराणेशाही व कंपूशाहीला लक्ष्य करण्यात आलं होतं. त्या अनुषंगानं पोलिसांनी अनेक निर्माते, दिग्दर्शकांची चौकशीही केली आहे. मात्र, आता या प्रकरणाला वेगळं वळण लागलं आहे.

वाचा:

वाचा: