cabinet decisions, राज्य मंत्रिमंडळाचा मोठा निर्णय, आपत्तीग्रस्तांना मिळणाऱ्या मदतनिधीत वाढ, वाचा संपूर्ण यादी – cabinet decision the state cabinet has decided to increase the relief fund for disaster victims

मुंबई : उद्या मुंबईत विधिमंडळाचं अर्थसंकल्पीय अधिवेशन सुरू होत असताना आजच्या मंत्रिमंडळाच्या बैठकीत राज्य आपत्ती प्रतिसाद दरांमध्ये केंद्र सरकारने केलेल्या सुधारणांचा स्वीकार करण्याचा मोठा निर्णय घेण्यात आला आहे. राज्य आपत्ती प्रतिसाद निधी एसडीआरएफ (SDRF) साठी केंद्र सरकारने निकष आणि दरांमध्ये सुधारणा केल्या असून, त्या सुधारणा स्वीकृत करण्याचा निर्णय आज झालेल्या राज्य मंत्रिमंडळाच्या बैठकीत घेण्यात आला. या सुधारणा सन २०२५-२६ पर्यंत असतील. याबरोबरच या निर्णयाची अंमलबजावणी १ नोव्हेंबर २०२२ पासून होणार आहे.

राज्य शासनाने घेतलेल्या या निर्णयामुळे आपत्तीग्रस्त कुटुंबांना मोठा दिलासा मिळणार आहे. केंद्र सरकारने दरांमध्ये केलेल्या सुधारणांची अंमलबजावणी राज्यसरकार करणार आहे.

Breaking : दिल्लीचे उपमुख्यमंत्री मनीष सिसोदिया यांना मद्य घोटाळाप्रकरणी अटक, केजरीवालांना मोठा धक्का
हे नवे दर पुढील प्रमाणे असतील- (कंसात जुने दर दिलेले आहेत)

> मृतांच्या कुटुंबियांना – ४ लाख रुपये (बदल नाही).
> चाळीस ते ६० टक्के अपंगत्व आल्यास – ७४ हजार रुपये ( ५९ हजार १००).
> साठ टक्क्यांपेक्षा अधिक अपंगत्व आल्यास – २.५० लाख रुपये (२ लाख).

> जखमी व्यक्ती इस्पितळात एक आठवड्यापेक्षा अधिक कालावधीसाठी – १६ हजार रुपये (१२ हजार ७००)
> एक आठवड्यापेक्षा कमी कालावधीसाठी – ५ हजार ४०० ( ४ हजार ३००).

> दोन दिवसापेक्षा अधिक कालावधीकरिता क्षेत्र/घर पाण्यात बुडालेले असल्यास/घरे पूर्णत: वाहून गेली असल्यास/ पूर्णत: क्षतीग्रस्त झाल्यास प्रति कुटुंब – २ हजार ५०० (बदल नाही).

आंबा बागायतदार फवारणी पंपाचा वॉल आणायला गेला इतकेच निमित्त, क्षणात होत्याचे नव्हते झाले
> सामानाच्या नुकसानीकरिता प्रति कुटूंब – २ हजार ५०० (बदल नाही).
> पूर्णत: नष्ट झालेल्या पक्क्या/कच्च्या घरांसाठी सखल भागात– १ लाख २० हजार रुपये ( ९५ हजार १००). दुर्गम भागातील घरांसाठी – १ लाख ३० हजार (१ लाख १ हजार ९००)
> अंशत: पडझड पक्क्या घरांसाठी – ६ हजार ५०० (५ हजार २००).
> अंशत: पडझड कच्च्या घरांसाठी – ४ हजार रुपये (३ हजार २००).
> झोपडीसाठी – ८ हजार रुपये (४ हजार १००).

> मृत दुधाळ जनावरांसाठी – ३७ हजार ५०० ( ३० हजार)
> ओढकाम जनावरांसाठी – ३२ हजार रुपये (२५ हजार)
> वासरू, गाढव, खेचर आदीसाठी – २० हजार रुपये (१६ हजार रुपये)
> मेंढी, बकरी, डुक्कर यासाठी – ४ हजार रुपये (३ हजार)
> कुक्कूट पालन – १०० रुपये प्रति कोंबडी
> दहा हजार रुपयांपर्यंत (५० रुपये प्रति कोंबडी, ५ हजार रुपयांपर्यंत).

नागपुरात खळबळ! झोपडीच्या वादातून महिलेवर तरुणाचा चाकूहल्ला, उपचारादरम्यान महिलेचा मृत्यू
> शेती जिरायत पिकांच्या नुकसानीसाठी – ८ हजार ५०० रुपये, २ हेक्टर मर्यादेत (६ हजार ८००)
> आश्वासित सिंचनाखालील पिकांसाठी – १७ हजार रुपये प्रति हेक्टरी (१३ हजार ५००)
> बहुवार्षिक पिकांसाठी – २२ हजार ५०० रुपये (१८ हजार).

> शेतजमीनीच्या नुकसानीसाठी – १८ हजार रुपये प्रति हेक्टरी (१२ हजार २०० रुपये)
> दरड कोसळून किंवा जमीन खरडून झालेल्या नुकसानीसाठी – ४७ हजार रुपये, प्रति हेक्टरी. (३७ हजार ५००)

> मत्स्य व्यवसाय – बोटींच्या अंशतः दुरूस्तीसाठी – ६ हजार रुपये (४ हजार १००)
> अंशतः बाधित जाळ्यांच्या दुरूस्तीसाठी – ३ हजार रुपये ( २ हजार १००)
> पूर्णतः नष्ट बोटीकरिता – १५ हजार रुपये (९ हजार ६००)
> पूर्णतः नष्ट जाळ्यांसाठी – ४ हजार रुपये (२ हजार ६०० रुपये)