करोनामुळे विराट सध्या आपल्या घरीच आहे. पत्नी अनुष्का शर्माबरोबर तो राहत आहे. त्यामुळे विराट घराबाहेर पडला नसतानाही त्याच्याविरोधात याचिका दाखल करण्यात आली आहे. एक प्रकरण आता कोहलीला चांगलेच भोवणार असल्याचे पाहायला मिळत आहे. चेन्नईच्या एका वकिलाने मद्रास उच्च न्यायालयात कोहलीविरोधात याचिका दाखल केलेली आहे. कोहली हा जनतेची दिशाभूल करत असून त्यामुळे बऱ्याच लोकांना व्यसन लागले आहे, असे या याचिकेच म्हटले गेले आहे.
नेमके प्रकरण आहे तरी काय..विराटने ऑनलाईन जुगाराच्या अॅपची जाहिरात केली. या जाहिरातीमध्ये कोहलीने लोकांची दिशाभूल करण्याचा प्रयत्न केला आहे. या अॅपमध्ये जुगार खेळण्यासाठी एका मुलाने उसणे पैसे घेतले होते. या पैशांची परतफेड करता न आल्यामुळे त्या मुलाने आत्महत्या केली, ही गोष्टही या याचिकेमध्ये दाखल करण्यात आली आहे.
लोकांमध्ये ऑनलाईन जुगाराचे व्यसन वाढत चालले आहे. त्यामुळे या अॅपवर बंदी आणायला हवी, असेही या याचिकेत म्हटले आहे. कोहली आणि सेलिब्रेटी तमन्ना हे दोघे या अॅपची जाहिरात करून लोकांची दिशाभूल करत आहेत. त्यामुळे विराट आणि तमन्ना या दोघांनाही अटक करावी आणि ऑनलाईन जुगारावर बंदी आणावी, असे या याचिकेमध्ये म्हटले गेले आहे. या याचिकेवर मंगळवारी सुनावणी करण्यात येणार आहे. त्यामुळे आता मंगळवारी या याचिकेवर मद्रास उच्च न्यायालयात नेमकी काय सुनावणी होते, याकडे क्रिकेट विश्वाचे लक्ष लागलेले आहे.
ऑनलाईन जुगारामध्ये आतापर्यंत बरेच युवक दिवाळखोर झालेले पाहायला मिळालेले आहे. युवकांना या ऑनलाईन जुगाराचे व्यसन लागलेले आहे. हे ऑनलाईन जुगाराचे व्यसन सोडवायचे असेल तर त्यावर बंदी आणणे हा सर्वात चांगला पर्याय असल्याचे म्हटले जात आहे. त्यामुळे आता मंगळवारी उच्च न्यायालय काय निकाल देते, याकडे सर्वांचे लक्ष लागलेले आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
