अदानी टॉप-३० मधून बाहेर
२४ जानेवारी २०२३ रोजी हिंडेनबर्गने आपला अहवाल प्रकाशित केला, ज्यामुळे अदानी ग्रुपच्या कंपन्यांचे शेअर्स ८५% घसरले. याचा परिणाम गौतम अदानी यांच्या नेटवर्थवर झाला. एकावेळी जगातील श्रीमंतांच्या यादीत पहिल्या पाच अब्जाधिशांमध्ये असलेले अदानी आता टॉप-३० मधूनही बाहेर पडले. २३ जानेवारी रोजी गौतम अदानी $१२७ अब्जच्या संपत्तीसह जगातील तिसरे सर्वात श्रीमंत उद्योगपती होते, परंतु अहवाल उघड झाल्यानंतर महिन्याभारत ते $३५ अब्ज संपत्तीसह पहिल्या ३० श्रीमंतांच्या यादीतून बाहेर पडले.
अदानींना फारच मोठा दिलासा! एकावर एक बसलेल्या धक्क्यानंतर आता विदेशातून आली गुड न्यूज
अदानी शेअर्सची बिकट स्थिती
हिंडेनबर्गच्या अहवालाने अदानी समूहातील कंपन्यांच्या शेअर्सचे मोठे नुकसान केले आहे. शुक्रवारी शेवटच्या व्यवहाराच्या दिवशी अदानी समभागांची पडझड सुरूच राहिली. अदानींची प्रमुख कंपनी, अदानी एंटरप्रायझेसचे शेअर्स ६० टक्क्यांनी घसरले असताना अदानी टोटल गॅस लिमिटेडचे शेअर ७९.७१ टक्क्यांनी खाली पडले.
एलआयसीला दुहेरी दणका
अदानी समूहात सर्वात मोठ्या गुंतवणूकदारांपैकी एक एलआयसी म्हणजेच भारतीय आयुर्विमा महामंडळाला दुहेरी फटका बसला. एलआयसीने अदानी समूहाच्या पाच कंपन्यांमध्ये अदानी एंटरप्रायझेस, अदानी टोटल गॅस, अदानी ग्रीन एनर्जी, अदानी ट्रान्समिशन आणि अदानी पोर्ट्समध्ये गुंतवणूक केली आहे. तसेच अदानीच्या समभागांच्या घसरणीनंतर एलआयसीच्या गुंतवणुकीचे मूल्य ६२% घसरले असून शेअर्समध्ये ७१ टक्क्यांपर्यंत पडझड झाली आहे.
हिंडेनबर्ग इफेक्ट! अदानींच्या शेअर्सची पडझड, LIC चे हजारो कोटी पाण्यात, असा आहे शेअरचा भाव
सीबीआयलाही तोटा
अदानी शेअर्सच्या तोट्याचा परिणाम SBI वरही होताना दिसून येत आहे. अदानी समूहाने देशातील सर्वात मोठ्या बँकेकडून सार्वधिक कर्ज घेतलं असून अदानींवरील वाढत्या कर्जाचा बोजा पाहता एसबीआय गुंतवणूकदारांमध्ये भीतीचे वातावरण आहे. अदानी कर्जाची परतफेड करण्यात अयशस्वी ठरल्या बँकेचे नुकसान होईल, अशी भीती सध्या बाजारात आहेत. याच्या पार्श्वभूमीवर SBI चे शेअर्स १४ टक्क्यांपर्यंत तुटले. २३ जानेवारी रोजी शेअरचा भाव ६०४.६० रुपये होता, तो २३ फेब्रुवारीला ५२१ रुपयांवर घसरला.
अदानी-अंबानीच नव्हे… ३ भारतीय ‘रिची रिच’चे झाले प्रचंड नुकसान, ‘नंबर वन’ कोण? पाहा!
अन्य गुंतवणूकदारांनाही चटके
SBI व्यतिरिक्त बँक ऑफ इंडियाचे शेअर्सही १८ टक्क्यांनी घसरले. तर इंडियन ओव्हरसीज बँकेचे शेअर १७% तुटले. सेंट्रल बँक ऑफ इंडियाचे शेअर्स महिन्याभरात १६.४७ टक्के, पंजाब आणि सिंध बँकेचे शेअर्स एका महिन्यात १५.६%, बँक ऑफ बडोदाला एका महिन्यात २% झटका बसला आहे. म्हणजेच हिंडेनबर्ग अहवालामुळे केवळ अदानीच नव्हे तर त्यांच्याशी संबंधित अनेकांनाही चटके बसले आहेत.
