ऑइल ऑफ मान संघाचा डाव फक्त ८.४ षटकात १० धावात संपुष्ठात आला. त्यांच्या एकाही फलंदाजाला दुहेरी धावसंख्या करता आली नाही. सात फलंदाज तर शून्यावर बाद झाले. सामनावीर पुरस्कार मिळवणाऱ्या अतीफ महमूदने ४ षटकात ६ धावा देत ४ विकेट घेतल्या. तर मोहम्मद कामरानने ४ षटकात ४ धावा देत ४ विकेट मिळवल्या.
इंदूर कसोटीत होणार त्रिशतक; भारताच्या स्टार क्रिकेटपटूला करावी लागणार फक्त ही एक गोष्ट…
विजयासाठी ११ धावांचे लक्ष्य घेऊ मैदानात उतरलेल्या स्पेनच्या संघाकडून ओवेस अहमदने २ चेंडूत दोन षटकार मारले आणि मॅच संपवली. यात एक रन नॉ बॉलची देखील होती. स्पेनने ११८ चेंडू आणि १० विकेटनी ही मॅच जिंकली.
याआधी टी-२० क्रिकेटमध्ये सर्वात कमी धावांचा लाजिरवाणा विक्रम तुर्कीच्या नावावर होता. चार वर्षापूर्वी २०१९ मध्ये चेक रिपब्लिकविरुद्ध खेळताना तुर्कीचा संघ फक्त २१ धावांवर बाद झाला होता. ऑइल ऑफ मॅनने आतापर्यंत १६ आंतरराष्ट्रीय टी-२० मॅच खेळल्या आहेत. या सर्व लढतीत त्यांची कामगिरी फार चांगली झाली नाही. ८ पैकी ७ सामन्यात त्यांचा पराभव झाला होता.
क्रिकेटच्या इतिहासात अशी मॅच झाली नसेल; ६ चेंडू, ४ धावा, जे झालं त्यावर विश्वास बसणार नाही
ऑइल ऑफ मान, कुठे आहे हा देश?
इंग्लंड आणि आयर्लंडच्यामध्ये असलेल्या आयरिश समुद्रात ऑइल ऑफ मान नावाचा एक देश आहे. जो ब्रिटिश राजघराण्याच्या नियंत्रणात येतो. या देशाच्या क्रिकेट संघाने २४ ते २६ फेब्रुवारी या काळात स्पेनचा दौरा केला होता. पहिल्या लढतीत स्पेनने ८१ धावांनी विजय मिळवला. तर दुसरी लढत पावसामुळे रद्द झाली. तिसऱ्या, चौथ्या आणि पाचव्या लढतीत स्पेनने अनुक्रमे ८, ६ आणि ७ विकेटनी विजय मिळवला. तर सहाव्या लढतीत १० विकेटनी विजय मिळून नवा वर्ल्ड रेकॉर्ड केला.
