Hindu Garjana Morcha | गेल्या काही दिवसांमध्ये राज्यभरात अनेक ठिकाणी हिंदू गर्जना मोर्चे निघताना दिसत आहेत. सोलापुरातील हिंदू गर्जना मोर्चात एका मशिदीवर ,चहा कँटीनवर आणि ज्यूस दुकानावर प्लास्टिकच्या बाटल्या फेकल्याने वाद
हायलाइट्स:
- हिंदू गर्जना मोर्चातील आयोजकांवर फौजदार चावडी पोलीस ठाण्यात गुन्हे दाखल
- हिंदू राष्ट्रसेनेचे धनंजय देसाईनी पत्रकार परिषद घेऊन संताप व्यक्त केला
मोर्चात हुल्लडबाजी केल्याने गुन्हे दाखल
फौजदार चावडी पोलीस ठाण्यात दाखल झालेल्या नोंदी नुसार,सकल हिंदू समाजाच्या वतीने विविध धार्मिक संघटना एकत्र येत,विराट असा मोर्चा काढला होता.छत्रपती शिवाजी महाराज चौकापासून मोर्चाची सुरुवात झाली.टिळक चौक,बाळीवेस,मधला मारुती,माणिक चौक,या मार्गावरून मोर्चा मार्गस्थ झाला.माणिक चौक येथील खाटीक मशीद येथे आल्यावर काही जणांनी मशिदीवर पाण्याच्या रिकाम्या बाटल्या फेकण्याचा प्रयत्न केला.बंदोबस्तसाठी असलेल्या पोलिसांनी ताबडतोब ,सर्व तरुणांना पुढे ढकलत घेऊन गेले,पुढे गेल्यावर अफजान ज्यूसवर आणि ए वन चहा कँटीनचे देखील नुकसान करण्याचा प्रयत्न केला.दोन धर्मामध्ये सामाजिक तेढ निर्माण करून शांतता भंग करण्याचा प्रयत्न केला असल्याचा गुन्हा दाखल करण्यात आला.याबाबत महिला पोलीस उपनिरीक्षक राधा नारायण यांनी फिर्याद दिली आहे.pune : हिंदू जनआक्रोश मोर्चाची गर्जना; धर्मांतर, गोहत्या, ‘लव्ह जिहाद’ला विरोध
हिंदूराष्ट्र सेनेचे धनंजय देसाईनी संताप व्यक्त करत,चौकशीची मागणी केली
हिंदू राष्ट्र सेनेचे धनंजय देसाई यांनी सोमवारी सायंकाळी ध्रुव हॉटेल या ठिकाणी ,गुन्हे दाखल केल्या प्रकरणी सोलापूर पोलिसांबाबत संताप व्यक्त केला.हिंदू समाजासाठी मोर्चा आयोजित करणाऱ्यावर गुन्हे दाखल करणाऱ्या संबंधित पोलीस अधिकाऱ्याची व कर्मचाऱ्याची चौकशी करा.आयोजकांनी कुणालाही हुल्लडबाजी करण्यास प्रोत्साहन दिले नाही.आयोजकांवर गुन्हे दाखल करून,भीती पसरवण्याचा कामकाज पोलीस करत आहेत असे धनंजय देसाई यांनी माहिती दिली.
राष्ट्रवादीच्या महेश कोठेंचे सुपुत्र प्रथमेश कोठेंनी तलवार फिरवत मोर्चात सहभाग दर्शवला
सोमवारी रात्री उशिरा प्रथमेश कोठेंवर हत्यार प्रतिबंध अधिनियम नुसार फौजदार चावडी पोलीस ठाण्यात गुन्हा दाखल झाला.प्रथमेश कोठे हे आपल्या मित्रांसोबत हिंदू गर्जना मोर्चात सहभागी झाले होते.सायंकाळी सहा वाजण्याच्या सुमारास माणिक चौक या ठिकाणी लाल रंगाचे कव्हर असलेली तलवार हातात घेऊन प्रथमेश कोठेंनी हवेत फिरवली.याबाबत फौजदार चावडी पोलीस ठाण्यातील कॉन्स्टेबल विनोद व्हटकर यांनी फिर्याद दिली आहे.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
