SAFR हे एक व्हिज्युअल इंटेलिजन्स प्लॅटफॉर्म आहे. ते चेहरा आणि व्यक्तीच्या आधारावर संगणकाच्या व्हिजनखाली कार्य करते. कंपनीचा दावा आहे की त्यांचे सॉफ्टवेअर चेहऱ्याच्या ओळखीवर ९९.८७ टक्के अचूक आहे. तसेच, यात इतकी क्षमता आहे की ते एका किलोमीटर अंतरावरूनही एखाद्याचा चेहरा ओळखू शकते. कंपनीने यूएस एअरफोर्ससोबत केलेल्या करारानुसार हे सॉफ्टवेअर छोट्या ड्रोनवर बसवले जाणार आहे. तसेच, ते परदेशात केवळ विशेष ऑपरेशन्स आणि गुप्तचरांसाठी वापरले जाणार आहे.
AI ने सुसज्ज असेल ड्रोन
मानवरहित ड्रोन आर्टिफिशियल इंटेलिजन्स (एआय) वापरणार असल्याचे फर्मकडून सांगण्यात आले आहे. ते स्वत: शत्रू आणि मित्रांना ओळखेल. कंपनीकडून असेही सांगण्यात आले आहे की या ड्रोनचा वापर बचाव मोहीम, सुरक्षा आणि देशांतर्गत स्तरावरील शोध मोहिमेसाठी देखील केला जाऊ शकतो. लहान ड्रोन कधीही रीपर किंवा प्रिडेटर सारख्या मोठ्या ड्रोनसारख्या शस्त्रांनी सुसज्ज नसतात हे देखील लक्षात घेण्यासारखे आहे. पण आता या नव्या तंत्रज्ञानानंतर अमेरिकेचे ड्रोन युद्ध एक नवीन स्तर गाठू शकते.
जीवघेणी ठरतेय ही नशा; पोलादपूरमध्ये ५५ वर्षीय व्यक्तीने संपवले जीवन, अशा घटना का वाढत आहेत
तुर्कस्थानने केला प्रयोग
तथापि, हे देखील लक्षात घेण्यासारखे आहे की अशा प्रकारचे तंत्र वापरणारे यूएस एअरफोर्स हे पहिले सैन्य नाही. सन २०२१ मध्ये, युनायटेड नेशन्स (UN) ने दावा केला की लिबियाच्या सैन्याने चेहरा ओळखणारे सॉफ्टवेअर आणि शस्त्रे असलेले ड्रोन सुसज्ज केले आहे. यूएनने आपल्या अहवालात म्हटले आहे की, लिबियाचे पंतप्रधान फैज सेराज यांच्या वतीने प्रगत ड्रोनची ऑर्डर देण्यात आली आहे. तुर्कस्थानात तयार करण्यात आलेल्या एसटीएम कार्गो-२ हे चेहरा ओळखणारे सॉफ्टवेअर आणि शस्त्राने सुसज्ज होते. यानंतर, हा ड्रोन विरोधी सैन्याच्या दिशेने गेला देखील होता.
बेदरकार ऑटोरिक्षा चालकाने दिली वृद्धाला धडक आणि झाला पसार, वृद्धाने गमावला जीव
इस्रायलही यावर काम करत आहे
त्याच वर्षी, फोर्ब्सच्या अहवालात असेही म्हटले होते की इस्रायल देखील अशाच तंत्रज्ञानयुक्त ड्रोनवर काम करत आहे. अहवालानुसार, त्याचे पेटंट ऑगस्ट २०१९ मध्ये अमेरिकेतील तेल अवीव-आधारित अ‍ॅनिव्हिजनने दाखल केले होते. यामध्ये याबाबत संपूर्ण माहिती देण्यात आली. कंपनी अशा तंत्रावर काम करत आहे. हे यशस्वी झाल्यास यामुळे ड्रोनला चेहरा ओळखीसाठी सर्वोत्तम अँगल शोधण्यात मदत होणार आहे. यानंतर डेटाबेसच्या मदतीने टार्गेट शूट केले जाईल.
ठाकरे सरकार फडणवीसांना अटक करणार होते, त्या योजनेचा मी साक्षीदार; एकनाथ शिंदेंचा खळबळजनक दावा
