या निर्णयामुळे स्वयंपाक करण्यासाठी घरगुती तसेच रेस्टॉरंटमध्ये होणाऱ्या खर्चात वाढ होईल. म्हणजे घरी स्वयंपाक करून जेवणे आणि रेस्टॉरंटमध्ये जाऊन जेवणे हे दोन्ही आता महागले आहेत. लक्षात घ्या की नियमानुसार जर तुम्ही सबसिडी घेतली असेल तर घरगुती गॅस सिलिंडरच्या ग्राहकांना दरवर्षी १४.२ किलो वजनाचे १२ सिलेंडर सबसिडाइज्ड रेटमध्ये अर्थात सवलतीच्या दरात मिळतील. तर अतिरिक्त सिलेंडरसाठी घरगुती वापराच्या सिलेंडरचे नवे दर लागू होणार आहेत.
१ मार्चपासून होणार हे मोठे बदल, तुमच्या खिशावर होणार थेट परिणाम; वाचा सविस्तर
व्यावसायिक सिलिंडरही महागले
व्यावसायिक एलपीजी सिलिंडरच्या किंमतीतही वाढ झाली असून त्याची किंमत तब्बल ३५०.५० रुपयांनी वाढली आहे. ३५०.५० रुपयांनी महागल्यानंतर राजधानी दिल्लीत व्यावसायिक गॅस सिलेंडरची किंमत २११९.५० रुपये प्रति सिलेंडरवर आली आहे.
महानगरांमध्ये घरगुती एलपीजी सिलिंडरच्या नवीन किमती
दिल्लीत घरगुती एलपीजीची किंमत १०५३ रुपयांवरून ११०३ रुपये झाली
मुंबईत घरगुती एलपीजीची किंमत १०५२.५० रुपयांवरून ११०२.५० रुपये प्रति सिलेंडरवर पोहोचली आहे.
कोलकातामध्ये घरगुती एलपीजीची किंमत १०७९ रुपयांवरून ११२९ रुपयांपर्यंत वाढली आहे.
चेन्नईमध्ये घरगुती एलपीजीची किंमत १०६८.५० रुपयांवरून ११८.५० रुपयांपर्यंत वाढली आहे.
Bank Holiday in March 2023: १२ दिवस बंद राहणार बॅंका; खोळंबा टाळण्यासाठी इथे तपासा सुट्ट्यांची यादी
महानगरांमध्ये व्यावसायिक एलपीजी सिलिंडरचा नवीन भाव
दिल्लीत व्यावसायिक एलपीजीची किंमत १७६९ रुपयांवरून २११९.५० रुपये झाली आहे.
मुंबईत व्यावसायिक एलपीजीची किंमत १७२१ रुपयांवरून २०७१.५० रुपये प्रति सिलिंडर झाली आहे.
कोलकातामध्ये व्यावसायिक एलपीजीची किंमत १८६९ रुपयांवरून २२१९.५० रुपयांपर्यंत वाढली आहे.
चेन्नईमध्ये व्यावसायिक एलपीजीची किंमत १९१७ रुपयांवरून २२६७.५० रुपये झाली आहे.
८ महिन्यांनंतर घरगुती सिलिंडरची दरवाढ
यापूर्वी १ जुलै २०२२ रोजी घरगुती सिलिंडरच्या किमती बदलल्या होत्या. म्हणजे आज सुमारे ८ महिन्यांनंतर घरगुती सिलिंडरच्या किमतीत वाढ झाली आहे. अशाप्रकारे गेल्या वेळी जुलैमध्येच घरगुती सिलिंडरच्या दरात वाढ करण्यात आली होती तर त्यानंतर व्यावसायिक सिलिंडरच्या दरात वाढ झाली असली तरी घरांमध्ये वापरल्या जाणाऱ्या स्वयंपाकाच्या गॅसच्या किमतीत वाढ झाली नाही.
पाच वर्षात एलपीजीच्या किमतीत भरमसाठ वाढ
गेल्या काही वर्षांत एलपीजीच्या किमती झपाट्याने वाढल्या आहेत. पेट्रोलियम मंत्रालयाच्या अधिकृत आकडेवारीनुसार १ एप्रिल २०१७ ते ६ जुलै २०२२ दरम्यान एलपीजीच्या किमती ५८ वेळा बदलण्यात आल्या असून याचा परिणाम म्हणजे एलपीजी सिलिंडरच्या दरात ४५ टक्क्यांनी वाढ नोंदवण्यात आली आहे. एप्रिल २०१७ रोजी एलपीजी सिलिंडरची किंमत ७२३ रुपये होती तर जुलै २०२२ पर्यंत त्यात ४५% वाढ होऊन किमती १,०५३ रुपयांवर पोहोचल्या.
