boy found dead, दहावीत शिकणारा सचिन एकाएकी बेपत्ता; चार दिवसांनी बॉडी सापडली, दोन्ही हात मोडलेले; घात झाला? – boy missing from 4 days found dead in farm police probe underway two detained

सचिन काळे दहावीच्या वर्गात शिकत होता. त्याची गावातीलच एका मुलीसोबत मैत्री होती. तो नेहमी तिच्याशी बोलायचा. काही दिवसांपूर्वी सचिनने त्या मुलीला मोबाईल फोन गिफ्ट म्हणून दिला होता. याबद्दल तिच्या घरच्यांना समजले. दरम्यान सचिन २४ फेब्रुवारीपासून बेपत्ता झाला होता. याबाबत पोलीस ठाण्यात बेपत्ता असल्याची नोंद करण्यात आली होती. सचिनचा सर्वत्र शोध सुरू असताना गावातीलच एका शेतात त्याचा मृतदेह आढळून आला. त्याचे दोन्ही हात मोडलेल्या अवस्थेत होते. यामुळे त्याला बेदम मारहाण झाली असावी अशी शक्यता वर्तवण्यात येत आहे.
हसरा चेहरा रडवून गेला! घर सोडून गेली, तक्रार करताच परत आली; बालपणीच्या फोटोंमुळे जीव दिला
पोलिसांनी सचिनचा मृतदेह उत्तरीय तपासणीसाठी रुग्णालयात हलवला आहे. या प्रकरणी वैजापूर पोलीस ठाण्यात गुन्हा दाखल करण्यात आला आहे. पोलिसांनी या प्रकरणी दोघांना चौकशीसाठी ताब्यात घेतले असून प्रेमप्रकरणातून ही हत्या करण्यात आली असावी अशी शक्यता वर्तवण्यात येत आहे. मात्र या शक्यतेला पोलिसांकडून अद्याप अधिकृतपणे दुजोरा मिळालेला नाही. या प्रकरणात आणखी काही आरोपींना ताब्यात घेण्याची शक्यता आहे.