ही निवडणूक रवींद्र धंगेकर विरुद्ध भाजप अशी होती. कारण भाजपचे अनेक बडे नेते हेमंत रासने यांच्या प्रचारासाठी पूर्णवेळ कसब्यात तळ ठोकून होते. गेल्या ३० वर्षापासून भाजपचा हा बालेकिल्ला. मात्र पुण्याचे विद्यमान खासदार गिरीश बापट हे कसब्याचं प्रतिनिधित्व करत असल्यामुळे भाजपला कधीही इतकी ताकद कसब्यामध्ये लावावी लागली नाही. मात्र या पोटनिवडणुकीमध्ये प्रकृती अस्वस्थ्यामुळे गिरीश बापट हे सहभागी होऊ शकले नाही आणि याचाच फटका आता भाजपला बसण्याची शक्यता आहे.
विधिमंडळाला खासदारावर हक्कभंग आणता येतो का? राऊत प्रकरणात मोठा ट्विस्ट, गेम फिरला..!
१९९५ पासून २०१९ पर्यंत कसबा पेठ विधानसभा मतदारसंघाचे प्रतिनिधित्व करताना गिरीश बापट यांनी कार्यकर्ते आणि मतदारांचे एक जाळ उभारलं होतं. जात-धर्म इतकंच काय तर पक्ष विरहित मतदार हे गिरीश बापट यांच्या पाठीमागे गेली २५ वर्ष उभे होते. आता हे मतदार गिरीश बापट सक्रिय नसल्यामुळे पक्षाची साथ सोडत असल्याचं चित्र कसब्यात या पोटनिवडणुकीच्या निमित्ताने पाहायला मिळालं.
कसबा पेठ विधानसभा मतदारसंघाचे प्रामुख्याने दोन भाग पडतात. बाजीराव रस्त्याच्या पूर्वेला आणि बाजीराव रस्त्याच्या पश्चिमेला मतदारांची विचारसरणी आणि सांस्कृतिक बदल प्रामुख्याने पाहायला मिळतो. पश्चिमेचा मतदार हा भाजपचा पारंपारिक मतदार मानला जातो तर पूर्वेचा मतदार हा काँग्रेसचा मतदार मानला जातो.
नाना काटेंच्या विजयाने अजितदादांचा पुन्हा दणक्यात एन्ट्रीचा प्लॅन; पण कलाटेंमुळे डाव उलटणार?
मात्र गिरीश बापट यांचा संपर्क हा या मतदारसंघाच्या दोन्ही बाजूला तितकाच तगडा होता. गिरीश बापट सक्रिय नसल्यामुळे या पोटनिवडणुकीत पूर्वेचा मतदार हा भाजपची साथ पूर्णपणे सोडताना दिसतोय. तर पश्चिम भागातील मतदार देखील व्यक्ती पाहून मतदान करू असं बोलताना दिसत होता. त्यामुळे या पोटनिवडणुकीत भाजपला गिरीश बापट यांची उणीव नक्कीच जाणवली. गिरीश बापट यांच्या अनुपस्थितीचा फायदा हा काँग्रेसचे उमेदवार रवींद्र धंगेकर यांना होताना दिसून येईल, अशी शक्यता आहे.
गिरीश बापट यांच्या अनुपस्थितीचा धंगेकरांना फायदा
१९९५ पासून २०१९ पर्यंत कसब्यात एक हाती वर्चस्व असलेले गिरीश बापट प्रकृती अस्वस्थ्यामुळे या पोटनिवडणुकीत प्रचारासाठी उतरू शकले नाहीत. पण कसब्यातील जागा हातातून दिसत असल्याने आजारी असलेले गिरीश बापट यांनी कार्यकर्त्यांचा मेळावा घेतला आणि कार्यकर्त्यात जान भरण्याचा प्रयत्न केला. भाजपचा पारंपारिक मतदार असलेला ब्राह्मण समाज हा नेहमीच गिरीश बापट यांच्या सोबत राहिला. पण गिरीश बापट हे कसब्यामध्ये फक्त ब्राह्मण समाजाच्या जीवावर कधीच आमदार झाले नाहीत. सर्व जाती धर्मातील कार्यकर्ते गिरीश बापट यांच्या पाठीशी १९९५ पासून उभे असल्याचे चित्र होतं.
अजितदादांना अपयश, प्रयत्नांची शर्थ करुनही चिंचवडची जागा जाण्याची शक्यता, EXIT POLL आला
गिरीश बापट यांच्या कार्यकर्त्यांचे जाळे हे फक्त पेठेतील भागातच नव्हे तर कसबा विधानसभा मतदारसंघातील पूर्व विभागात जिथे काँग्रेसचा पारंपारिक मतदार मानला जातो त्या ठिकाणी देखील मोठ्या प्रमाणात आहे. त्यामुळे गिरीश बापट जर प्रचारात सक्रिय असते तर बापटांना मानणारा हा संपूर्ण मतदार पर्यायाने भाजपच्या आणि हेमंत रस्त्यांच्या पाठीमागे उभा राहिला असता असं राजकीय पंडितांचे म्हणणं आहे.
तसं रवींद्र धंगेकर हे गिरीश बापट यांचे कट्टर राजकीय विरोधक.. २००९ मध्ये तर गिरीश बापट यांना रवींद्र धंगेकर यांनी निवडून येण्यासाठी अक्षरशः घाम फोडला होता. तर २०१४ मध्ये देखील रवींद्र धंगेकर यांनी गिरीश बापट यांच्या विरोधात दंड थोपटले होते. त्यामुळे गिरीश बापट यांची प्रचारातील आणि एकूणच यंत्रणेत असलेली अनुपस्थिती ही रवींद्र धंगेकर यांच्या पथ्यावर पडली असंच म्हणाव लागेल.
Everything about medicine. Get warning information here.
cialis switzerland
Top 100 Searched Drugs. Read now.