buldhana boy accident death, आजारी चिमुकल्याला दवाखान्यात नेतानाच मृत्यूने गाठलं, भरधाव ट्रकची धडक, आईची मृत्यूशी झुंज – maharashtra accident news today buldhan truck hits bike to kill three including 4 years old boy mother battles for life

बुलढाणा : विटांची वाहतूक करणाऱ्या भरधाव वेगातील ट्रकने बाईकला जबर धडक दिली. या भीषण अपघातात ४ वर्षांच्या चिमुकल्यासह तिघे जण ठार झाले आहेत, तर एक महिला गंभीर रित्या जखमी झाली. लहानग्याला दवाखान्यात नेत असताना काळाने घाला घातला. ही दुर्घटना काल सायंकाळी बुलढाणा जिल्ह्यातील खामगाव तालुक्यातील बोरीअडगाव आंबेटाकळी रोडवर घडली.

बोरीअडगाव येथील हार्दिक रोहित वानखडे हा ४ वर्षीय मुलगा आजारी असल्याने गावातील जवान श्रीकांत अर्जुन सुरवाडे (वय २६ वर्ष) हा हार्दिकला दवाखान्यात नेत होता. त्याच्यासोबत हार्दिकची आई पूजा वानखडे (वय २६ वर्ष) व कल्पना शुद्धोधन सुरवाडे (वय ३४ वर्ष) या दोघी देखील होत्या. पल्सर बाईकने सर्व जण लाखनवाडा येथे जात होते.

दरम्यान बोरीअडगाव- आंबेटाकळी रोडवर त्यांच्या दुचाकीला विटांची वाहतूक करणान्या भरधाव वेगातील ट्रक (क्र. एमएच ०४ एफयु ९१७७) ने जबर धडक दिली. या अपघातात दुचाकीवरील चौघे गंभीररित्या जखमी झाले. यामुळे त्यांना प्रथम खामगाव व नंतर अकोला येथील रुग्णालयात नेण्यात आले.

गावी सोय नसल्याने मामाकडे राहून शिक्षण, स्वप्नांच्या वाटेवर जातानाच विद्यार्थिनीचा करुण अंत
अपघातातील गंभीर जखमी जवान श्रीकांत सुरवाडे, चार वर्षांचा चिमुकला हार्दिक रोहित वानखडे व कल्पना सुरवाडे या तिघांचा अकोला येथे मृत्यू झाला तर मुलाची आई पूजा वानखडे यांच्यावर उपचार सुरु आहेत. या घटनेने बोरीअडगाव येथे हळहळ व्यक्त होत आहे.

कोकणात नायब तहसीलदार महिलेवर बिबट्याचा हल्ला, स्कूटरचाही पाठलाग
अपघातानंतर ट्रक चालक शेख सलीम शेख गफ्फार (वय २६ वर्ष, रा. लाखनवाडा) हा फरार झाला होता. मात्र ग्रामीण पोलिसांनी त्याला अटक केली आहे. या प्रकरणी त्याच्याविरुद्ध भादंवि कलम २७९, ३०४(अ), ३३८, ४२७ भादंवि सहकलम १३४ मोटार वाहन कायद्यानुसार गुन्हा दाखल करण्यात आला आहे.