youth arrested for making fake notes, ‘फर्जी’…! युट्यूबवर पाहिलं अन् हुबेहुब नोटा छापल्या, जळगावातल्या शाहिदच्या कारनाम्याचा क्लायमॅक्स – jalgaon police arrest one in case of printing fake currency notes of 100 200 and 500 rupees he learned it from youtube
जळगाव: झपटप पैसे कमवून श्रीमंत होण्यासाठी मजुर तरुणाने चक्क नकली नोटा बनविण्याची शक्कल लढविली. युट्यूबरवर व्हिडीओ पाहून नकली नोटा सुध्दा बनविल्या. मात्र, ही शक्कल त्याला चांगलीच महागात पडली असून त्याच्यावर जेलची हवा खाण्याची वेळ आली आहे. नकली नोटा बनविणाऱ्या एका मजुर तरुणाच्या पोलिसांली मुसक्या आवळल्या असून त्याच्याकडून तब्बल ४६ हजाराच्या नकली नोटा पोलिसांनी जप्त केल्या आहेत. देविदास पुंडलिक आढाव (वय ३०, राहणार कुसुंबा तालुका, जळगाव) असे अटक केलेल्या संशयित आरोपीचे नाव आहे.
कुसुंबा गावातील देविदास आढाव हा एमआयडीसीतील व्ही सेक्टर येथे भारतीय चलनाच्या नकली नोटा तयार करून ते बाजारात वापर करत असल्याची गोपनीय माहिती पोलीस उपअधीक्षक संदीप गावित यांना मिळाली. त्यानुसार, रामानंदनगर पोलीस ठाण्याचे पोलीस उपनिरीक्षक गोपाल देशमुख, पोलीस नाईक रेवानंद साळुंखे, चंद्रकांत पाटील, पोलीस कॉन्स्टेबल विजय जाधव, सचिन साळुंखे यांनी बुधवारी एमआयडीसीच्या व्ही सेक्टरमध्ये सापळा रचून संशयित देविदास आढाव याला रंगेहात पकडून अटक केली. VIDEO: मालकिणीचं डोकं जमिनीवर आपटताना पाहिलं, तो धावत आला अन्…; हा व्हिडीओ पाहून कौतुक वाटेल त्याच्याजवळ असलेल्या कापडी पिशवीत जवळपास ४६ हजाराच्या नकली नोटा आढळून आल्या. त्याने भारतीय चलनातील १००, २०० तसेच ५०० रुपयांच्या हुबेहुब नोटा बनविल्या होत्या. युट्यूबवर व्हिडीओ पाहून या नकली नोटा तयार केल्याची कबुली संशयित देविदास याने दिली आहे. याप्रकरणी एमआयडीसी पोलीस ठाण्यात गुन्हा दाखल करण्यात आला आहे.
बनावट नोटा तयार करुन त्या वापरात आणण्याची टोळी असल्याचा संशय पोलिसांनी व्यक्त केला आहे, यात देविदास याचे काही साथीदार आहेत का याचाही पोलिसांकडून शोध सुरु आहे. दरम्यान, संशयित देविदास याला पोलिसांनी जिल्हा न्यायालयात हजर केले. न्यायालयाने त्याला ७ दिवसांची पोलीस कोठडी सुनावली आहे. सरकार पक्षातर्फे ॲड स्वाती निकम यांनी काम पाहिले. गुन्ह्याचा पुढील तपास पोलीस उपनिरिक्षक निलेश गोसावी हे करीत आहेत.
VIDEO: मालकिणीचं डोकं जमिनीवर आपटताना पाहिलं, तो धावत आला अन्…; हा व्हिडीओ पाहून कौतुक वाटेल
