bihar news today accident, नवरीला हार घालून क्षणात स्टेजवर कोसळला नवरदेव, जागीच गेला जीव; तपासात धक्कादायक कारण उघड – groom died of heart attack in bihar sitamarhi

सीतामढी : बिहारच्या सीतामढी इथे एका गावातून अत्यंत दु:खद बातमी समोर आली आहे. इथे बुधवारी रात्री एका लग्न समारंभात वधू-वराने एकमेकांना वरमाला घातल्यानंतरच नवरदेवाचा मृत्यू झाल्याचा प्रकार घडला आहे. नवरदेवाला स्टेजवरच हृदयविकाराचा झटका आल्याने त्याचा मृत्यू झाला. या घटनेमुळे संपूर्ण परिसरात खळबळ उडाली असून पोलीस या घटनेचा तपास करत असल्याची माहिती आहे.

मिळालेल्या माहितीनुसार, या मृत्यूचं कारण डीजे असल्याचं मानलं जात आहे. डीजेच्या खूप मोठ्या आवाजामुळे वराचा हृदयविकाराच्या झटक्याने मृत्यू झाल्याची माहिती आहे. या वेदनादायक घटनेमुळे दोन्ही कुटुंबातच नाही तर संपूर्ण गावात आणि परिसरात शोककळा पसरली आहे. इथे दोन्ही कुटुंबात यामुळे कलह निर्माण झाला आहे.

राज्यावर आस्मानी संकटाची शक्यता; पुढील चार दिवस महत्त्वाचे, ‘या’ जिल्ह्यांना अलर्ट
आनंदाच्या क्षणी घडलं भयंकर…

लग्नात सगळी मजेदार गाणी वाजत होती. स्टेजवर वरमाला घालण्याचा कार्यक्रम चालू होता. यानंतर वधू अचानक बेशुद्ध होऊन स्टेजवरच पडला आणि त्याचा जागीच मृत्यू झाला. यावेळी वराला तातडीने स्थानिक खासगी डॉक्टरांकडे नेण्यात आलं, तिथे तपासणीनंतर त्याला मृत घोषित करण्यात आलं. यामुळे क्षणात आनंदाच्या घरी शोककळा पसरली.

ही घटना बुधवारी रात्रीची आहे. सुरेंद्र कुमार असं मृत्यू झालेल्या नवरदेवाचं नाव आहे. तो रेल्वेमध्ये ग्रुप-डी म्हणजेच ट्रेन ड्रायव्हरची परीक्षा उत्तीर्ण झाला होता. त्याच्या अशा अकाली जाण्यामुळे संपूर्ण कुटुंबियांवर आणि नववधूवर काळाने घाला घातला आहे.